Husayn ibn Horis al-Jadaliy (rahimahulloh) — Jadiyla Qaysdan — rivoyat qiladiki, Makka amiri xutba qildi, soʻng: «Rasululloh ﷺ bizga, (oyni) koʻrish bilan ibodat (haj amallari) qilishimizni, agar uni koʻrmasak va ikki adolatli guvoh guvohlik bersa, ularning guvohligiga koʻra ibodat qilishimizni topshirganlar», dedi. Men Husayn ibn Horisdan: «Makka amiri kim edi?» deb soʻradim. U: «Bilmayman», dedi. Soʻng u keyinroq men bilan uchrashib: «U Horis ibn Hotib edi, Muhammad ibn Hotibning akasi», dedi. Soʻng amir: «Sizlarning oranglizda Alloh va Uning Rasulini mendan koʻra yaxshiroq biladigan kishi bor, u buni Rasululloh ﷺdan (eshitib) guvohlik berdi», dedi va qoʻli bilan bir kishiga ishora qildi. Husayn aytdi: Men yonimdagi bir shayxga: «Amir ishora qilgan bu kishi kim?» dedim. U: «Bu Abdulloh ibn Umar (roziyallohu anhumo)», dedi. U toʻgʻri aytdi, (Abdulloh ibn Umar) undan Allohni yaxshiroq bilar edi. Shunda u (Ibn Umar): «Bizni Rasululloh ﷺ ana shunga buyurganlar», dedi.Ҳусайн ибн Ҳорис ал-Жадалий (раҳимаҳуллоҳ) — Жадийла Қайсдан — ривоят қиладики, Макка амири хутба қилди, сўнг: «Расулуллоҳ ﷺ бизга, (ойни) кўриш билан ибодат (ҳаж амаллари) қилишимизни, агар уни кўрмасак ва икки адолатли гувоҳ гувоҳлик берса, уларнинг гувоҳлигига кўра ибодат қилишимизни топширганлар», деди. Мен Ҳусайн ибн Ҳорисдан: «Макка амири ким эди?» деб сўрадим. У: «Билмайман», деди. Сўнг у кейинроқ мен билан учрашиб: «У Ҳорис ибн Ҳотиб эди, Муҳаммад ибн Ҳотибнинг акаси», деди. Сўнг амир: «Сизларнинг оранглизда Аллоҳ ва Унинг Расулини мендан кўра яхшироқ биладиган киши бор, у буни Расулуллоҳ ﷺдан (эшитиб) гувоҳлик берди», деди ва қўли билан бир кишига ишора қилди. Ҳусайн айтди: Мен ёнимдаги бир шайхга: «Амир ишора қилган бу киши ким?» дедим. У: «Бу Абдуллоҳ ибн Умар (розияллоҳу анҳумо)», деди. У тўғри айтди, (Абдуллоҳ ибн Умар) ундан Аллоҳни яхшироқ билар эди. Шунда у (Ибн Умар): «Бизни Расулуллоҳ ﷺ ана шунга буюрганлар», деди.