Ibn Umar (roziyallohu anhumo)dan rivoyat qilinishicha, Rasululloh ﷺ safarga chiqar ekanlar tuyalariga muqim oʻtirib olganlarida uch marta takbir aytar, soʻng shunday der edilar: «{Bizga buni boʻysundirgan Zot pokdir, biz esa bunga qodir emas edik. Albatta, biz Robbimizga qaytuvchidirmiz} (Zuxruf 13-14). Allohim, men Sendan ushbu safarimizda yaxshilik va taqvoni hamda Sen rozi boʻladigan amalni soʻrayman. Allohim, ushbu safarimizni bizga osonlashtir. Allohim, biz uchun masofani yigʻishtir. Allohim, safarda hamroh Sensan va ahli oyila hamda molda oʻrinbosar Sensan». (Safardan) qaytganlarida ham shularni aytib, ularga yana shularni qoʻshar edilar: «Biz qaytuvchilar, tavba qiluvchilar, ibodat qiluvchilar, Robbimizga hamd aytuvchilarmiz». Nabiy ﷺ va u zotning qoʻshinlari dovonlarga chiqqanlarida takbir aytar, pastga tushganlarida tasbeh aytar edilar. Namoz ham shunga binoan tartibga solindi.Ибн Умар (розияллоҳу анҳумо)дан ривоят қилинишича, Расулуллоҳ ﷺ сафарга чиқар эканлар туяларига муқим ўтириб олганларида уч марта такбир айтар, сўнг шундай дер эдилар: «{Бизга буни бўйсундирган Зот покдир, биз эса бунга қодир эмас эдик. Албатта, биз Роббимизга қайтувчидирмиз} (Зухруф 13-14). Аллоҳим, мен Сендан ушбу сафаримизда яхшилик ва тақвони ҳамда Сен рози бўладиган амални сўрайман. Аллоҳим, ушбу сафаримизни бизга осонлаштир. Аллоҳим, биз учун масофани йиғиштир. Аллоҳим, сафарда ҳамроҳ Сенсан ва аҳли ойила ҳамда молда ўринбосар Сенсан». (Сафардан) қайтганларида ҳам шуларни айтиб, уларга яна шуларни қўшар эдилар: «Биз қайтувчилар, тавба қилувчилар, ибодат қилувчилар, Роббимизга ҳамд айтувчилармиз». Набий ﷺ ва у зотнинг қўшинлари довонларга чиққанларида такбир айтар, пастга тушганларида тасбеҳ айтар эдилар. Намоз ҳам шунга биноан тартибга солинди.