Abdulloh ibn Umar (roziyallohu anhumo)dan rivoyat qilinadiki, u Rasululloh ﷺning lashkarlaridan bir lashkar tarkibida edi. U shunday dedi: «Odamlar (jangdan) qochib qaytishdi, men ham qochganlar orasida edim. Biz (jang maydonidan) chiqib olganimizda: ‹Endi nima qilamiz? Biz jangdan qochdik va (Ollohning) gʻazabiga giriftor boʻldik›, dedik. Soʻng: ‹Madinaga kirib, oʻsha yerda yashirinaylik, soʻng hech kim bizni koʻrmasdan ketib qolaylik›, dedik. Shunday qilib (Madinaga) kirdik. Soʻng: ‹Oʻzimizni Rasululloh ﷺga koʻrsatsak, agar biz uchun tavba boʻlsa qolamiz, agar boshqacha boʻlsa ketamiz›, dedik. Bomdod namozidan oldin Rasululloh ﷺni kutib oʻtirdik. U zot chiqqanlarida u zotning oldilariga turib bordik va: ‹Biz qochoqlarmiz›, dedik. Shunda u zot bizga yuzlanib: ‹Yoʻq, balki sizlar (qaytadan hujumga oʻtuvchi) hujumkorlardirsiz›, dedilar. Biz yaqinlashib u zotning qoʻllarini oʻpdik. Shunda u zot: ‹Men musulmonlarning (panoh boʻladigan) toʻdasidirman›, dedilar».Абдуллоҳ ибн Умар (розияллоҳу анҳумо)дан ривоят қилинадики, у Расулуллоҳ ﷺнинг лашкарларидан бир лашкар таркибида эди. У шундай деди: «Одамлар (жангдан) қочиб қайтишди, мен ҳам қочганлар орасида эдим. Биз (жанг майдонидан) чиқиб олганимизда: ‹Энди нима қиламиз? Биз жангдан қочдик ва (Оллоҳнинг) ғазабига гирифтор бўлдик›, дедик. Сўнг: ‹Мадинага кириб, ўша ерда яширинайлик, сўнг ҳеч ким бизни кўрмасдан кетиб қолайлик›, дедик. Шундай қилиб (Мадинага) кирдик. Сўнг: ‹Ўзимизни Расулуллоҳ ﷺга кўрсатсак, агар биз учун тавба бўлса қоламиз, агар бошқача бўлса кетамиз›, дедик. Бомдод намозидан олдин Расулуллоҳ ﷺни кутиб ўтирдик. У зот чиққанларида у зотнинг олдиларига туриб бордик ва: ‹Биз қочоқлармиз›, дедик. Шунда у зот бизга юзланиб: ‹Йўқ, балки сизлар (қайтадан ҳужумга ўтувчи) ҳужумкорлардирсиз›, дедилар. Биз яқинлашиб у зотнинг қўлларини ўпдик. Шунда у зот: ‹Мен мусулмонларнинг (паноҳ бўладиган) тўдасидирман›, дедилар».