Ubay ibn Kaʼb (roziyallohu anhu) aytadilar: Bir kishi bor edi. Madina ahlidan qiblaga (qarab) namoz oʻquvchilar orasida masjiddan koʻra uyi shu kishinikidan ham uzoqroqda boʻlganini bilmasdim. Shunday boʻlsa-da, undan masjiddagi (birorta) namozi qolib ketmas edi. Men unga: «Bir eshak sotib olsang, uni jaziramada va zulmatda minib (kelsang) boʻlmasmidi?» dedim. U: «Uyimning masjid yonida boʻlishini istamayman», dedi. Bu gap Rasululloh ﷺga yetkazildi. U zot bu soʻzi haqida undan soʻradilar. Shunda u: «Ey Rasululloh, men masjid tomon borishim ham, qaytganimda ahlimga qaytishim ham yozib qoʻyilishini istadim», dedi. Shunda u zot: «Alloh senga bularning barchasini ato qildi. Alloh azza va jalla sen umid qilgan narsalarning hammasini birvarakayiga senga berdi», dedilar.Убай ибн Каъб (розияллоҳу анҳу) айтадилар: Бир киши бор эди. Мадина аҳлидан қиблага (қараб) намоз ўқувчилар орасида масжиддан кўра уйи шу кишиникидан ҳам узоқроқда бўлганини билмасдим. Шундай бўлса-да, ундан масжиддаги (бирорта) намози қолиб кетмас эди. Мен унга: «Бир эшак сотиб олсанг, уни жазирамада ва зулматда миниб (келсанг) бўлмасмиди?» дедим. У: «Уйимнинг масжид ёнида бўлишини истамайман», деди. Бу гап Расулуллоҳ ﷺга етказилди. У зот бу сўзи ҳақида ундан сўрадилар. Шунда у: «Эй Расулуллоҳ, мен масжид томон боришим ҳам, қайтганимда аҳлимга қайтишим ҳам ёзиб қўйилишини истадим», деди. Шунда у зот: «Аллоҳ сенга буларнинг барчасини ато қилди. Аллоҳ азза ва жалла сен умид қилган нарсаларнинг ҳаммасини бирваракайига сенга берди», дедилар.