Said ibn al-Musayyab (rahimahulloh)dan rivoyat qilinadi: Ansorlardan bir kishiga oʻlim yetib keldi. Shunda u dedi: Men sizlarga bir hadis aytib beraman, uni sizlarga faqat (Allohdan) ajr umid qilib aytmoqdaman. Men Rasululloh ﷺ shunday deyayotganlarini eshitdim: «Biringiz taharat qilib, taharatini chiroyli qilib bajarsa, soʻng namozga chiqsa, oʻng oyogʻini koʻtarmaydiki, illo Alloh azza va jalla unga bir yaxshilik (savob) yozadi, chap oyogʻini qoʻymaydiki, illo Alloh azza va jalla undan bir yomonlikni (gunohni) toʻkadi. Biringiz (masjidga) yaqin yashasin yoki uzoq yashasin, agar masjidga kelib jamoat bilan namoz oʻqisa, magʻfirat qilinadi. Agar masjidga kelganda ular (jamoat) bir qismini oʻqib, bir qismi qolgan boʻlsa, u yetganini oʻqib, qolganini toʻldirsa ham shunday boʻladi. Agar masjidga kelganda ular namozni oʻqib boʻlgan boʻlsa, u namozni toʻldirsa ham shunday boʻladi.»Саид ибн ал-Мусайяб (раҳимаҳуллоҳ)дан ривоят қилинади: Ансорлардан бир кишига ўлим етиб келди. Шунда у деди: Мен сизларга бир ҳадис айтиб бераман, уни сизларга фақат (Аллоҳдан) ажр умид қилиб айтмоқдаман. Мен Расулуллоҳ ﷺ шундай деяётганларини эшитдим: «Бирингиз таҳарат қилиб, таҳаратини чиройли қилиб бажарса, сўнг намозга чиқса, ўнг оёғини кўтармайдики, илло Аллоҳ азза ва жалла унга бир яхшилик (савоб) ёзади, чап оёғини қўймайдики, илло Аллоҳ азза ва жалла ундан бир ёмонликни (гуноҳни) тўкади. Бирингиз (масжидга) яқин яшасин ёки узоқ яшасин, агар масжидга келиб жамоат билан намоз ўқиса, мағфират қилинади. Агар масжидга келганда улар (жамоат) бир қисмини ўқиб, бир қисми қолган бўлса, у етганини ўқиб, қолганини тўлдирса ҳам шундай бўлади. Агар масжидга келганда улар намозни ўқиб бўлган бўлса, у намозни тўлдирса ҳам шундай бўлади.»