Abu Said al-Xudriy (roziyallohu anhu) aytdi: Rasululloh ﷺ sahobalariga namoz oʻqib berayotganlarida kovushlarini yechib, chap tomonlariga qoʻydilar. Qavm buni koʻrgach, ular ham kovushlarini yechib tashladilar. Rasululloh ﷺ namozni tugatgach: «Kovushlaringizni yechib tashlashingizga nima sabab boʻldi?» dedilar. Ular: «Sizning kovushlaringizni yechganingizni koʻrdik, shuning uchun biz ham kovushlarimizni yechdik», deyishdi. Shunda Rasululloh ﷺ: «Albatta, Jibril (alayhissalom) huzurimga keldi va menga ularda ifloslik borligini xabar berdi», dedilar. Yana: «Biringiz masjidga kelganida (kovushiga) qarasin; agar kovushida ifloslik yoki azor beradigan narsa koʻrsa, uni artsin va ularda namoz oʻqisin», dedilar.Абу Саид ал-Худрий (розияллоҳу анҳу) айтди: Расулуллоҳ ﷺ саҳобаларига намоз ўқиб бераётганларида ковушларини ечиб, чап томонларига қўйдилар. Қавм буни кўргач, улар ҳам ковушларини ечиб ташладилар. Расулуллоҳ ﷺ намозни тугатгач: «Ковушларингизни ечиб ташлашингизга нима сабаб бўлди?» дедилар. Улар: «Сизнинг ковушларингизни ечганингизни кўрдик, шунинг учун биз ҳам ковушларимизни ечдик», дейишди. Шунда Расулуллоҳ ﷺ: «Албатта, Жибрил (алайҳиссалом) ҳузуримга келди ва менга уларда ифлослик борлигини хабар берди», дедилар. Яна: «Бирингиз масжидга келганида (ковушига) қарасин; агар ковушида ифлослик ёки азор берадиган нарса кўрса, уни артсин ва уларда намоз ўқисин», дедилар.