Qaʼnabiy bizga Molik (rahimahulloh)dan, u Nuʼaym ibn Abdulloh al-Mujmirdan, u Ali ibn Yahyo az-Zuraqiydan, u otasidan, u Rifoʼa ibn Rofiʼ az-Zuraqiy (roziyallohu anhu)dan rivoyat qildi. U aytdi: Bir kuni biz Rasululloh ﷺ ortlarida namoz oʻqiyotgan edik. Rasululloh ﷺ rukuʼdan boshlarini koʻtarib: «Samiʼallohu liman hamidah (Allohga hamd aytganni Alloh eshitdi)», dedilar. Rasululloh ﷺ ortlarida turgan bir kishi: «Allohumma Robbano va lakal-hamd, hamdan kasiyron toyyiban muborakan fiyh (Ey Alloh, Robbimiz, koʻp, pokiza va barakali hamd Senga boʻlsin)», dedi. Rasululloh ﷺ namozdan boʻshaganlarida: «Hozir bu (soʻzlarni) gapirgan kim?» dedilar. U kishi: «Men, ey Allohning Rasuli», dedi. Shunda Rasululloh ﷺ: «Men oʻttiz nechta farishtani koʻrdim, ular bu (soʻzlarni) qaysi biri avval yozishga musobaqalashayotgan edilar», dedilar.Қаънабий бизга Молик (раҳимаҳуллоҳ)дан, у Нуъайм ибн Абдуллоҳ ал-Мужмирдан, у Али ибн Яҳё аз-Зурақийдан, у отасидан, у Рифўа ибн Рофиъ аз-Зурақий (розияллоҳу анҳу)дан ривоят қилди. У айтди: Бир куни биз Расулуллоҳ ﷺ ортларида намоз ўқиётган эдик. Расулуллоҳ ﷺ рукуъдан бошларини кўтариб: «Самиъаллоҳу лиман ҳамидаҳ (Аллоҳга ҳамд айтганни Аллоҳ эшитди)», дедилар. Расулуллоҳ ﷺ ортларида турган бир киши: «Аллоҳумма Роббано ва лакал-ҳамд, ҳамдан касийрон тоййибан муборакан фийҳ (Эй Аллоҳ, Роббимиз, кўп, покиза ва баракали ҳамд Сенга бўлсин)», деди. Расулуллоҳ ﷺ намоздан бўшаганларида: «Ҳозир бу (сўзларни) гапирган ким?» дедилар. У киши: «Мен, эй Аллоҳнинг Расули», деди. Шунда Расулуллоҳ ﷺ: «Мен ўттиз нечта фариштани кўрдим, улар бу (сўзларни) қайси бири аввал ёзишга мусобақалашаётган эдилар», дедилар.