حَدَّثَنِي الْقَعْنَبِيُّ، حَدَّثَنَا أَنَسٌ يَعْنِي ابْنَ عِيَاضٍ، ح وَحَدَّثَنَا ابْنُ الْمُثَنَّى، حَدَّثَنِي يَحْيَى بْنُ سَعِيدٍ، عَنْ عُبَيْدِ اللَّهِ، - وَهَذَا لَفْظُ ابْنِ الْمُثَنَّى - حَدَّثَنِي سَعِيدُ بْنُ أَبِي سَعِيدٍ، عَنْ أَبِيهِ، عَنْ أَبِي هُرَيْرَةَ، أَنَّ رَسُولَ اللَّهِ صلى الله عليه وسلم دَخَلَ الْمَسْجِدَ فَدَخَلَ رَجُلٌ فَصَلَّى ثُمَّ جَاءَ فَسَلَّمَ عَلَى رَسُولِ اللَّهِ صلى الله عليه وسلم فَرَدَّ رَسُولُ اللَّهِ صلى الله عليه وسلم عَلَيْهِ السَّلاَمَ وَقَالَ " ارْجِعْ فَصَلِّ فَإِنَّكَ لَمْ تُصَلِّ " . فَرَجَعَ الرَّجُلُ فَصَلَّى كَمَا كَانَ صَلَّى ثُمَّ جَاءَ إِلَى النَّبِيِّ صلى الله عليه وسلم فَسَلَّمَ عَلَيْهِ فَقَالَ لَهُ رَسُولُ اللَّهِ صلى الله عليه وسلم " وَعَلَيْكَ السَّلاَمُ " . ثُمَّ قَالَ " ارْجِعْ فَصَلِّ فَإِنَّكَ لَمْ تُصَلِّ " . حَتَّى فَعَلَ ذَلِكَ ثَلاَثَ مِرَارٍ فَقَالَ الرَّجُلُ وَالَّذِي بَعَثَكَ بِالْحَقِّ مَا أُحْسِنُ غَيْرَ هَذَا فَعَلِّمْنِي . قَالَ " إِذَا قُمْتَ إِلَى الصَّلاَةِ فَكَبِّرْ ثُمَّ اقْرَأْ مَا تَيَسَّرَ مَعَكَ مِنَ الْقُرْآنِ ثُمَّ ارْكَعْ حَتَّى تَطْمَئِنَّ رَاكِعًا ثُمَّ ارْفَعْ حَتَّى تَعْتَدِلَ قَائِمًا ثُمَّ اسْجُدْ حَتَّى تَطْمَئِنَّ سَاجِدًا ثُمَّ اجْلِسْ حَتَّى تَطْمَئِنَّ جَالِسًا ثُمَّ افْعَلْ ذَلِكَ فِي صَلاَتِكَ كُلِّهَا " . قَالَ أَبُو دَاوُدَ قَالَ الْقَعْنَبِيُّ عَنْ سَعِيدِ بْنِ أَبِي سَعِيدٍ الْمَقْبُرِيِّ عَنْ أَبِي هُرَيْرَةَ وَقَالَ فِي آخِرِهِ " فَإِذَا فَعَلْتَ هَذَا فَقَدْ تَمَّتْ صَلاَتُكَ وَمَا انْتَقَصْتَ مِنْ هَذَا شَيْئًا فَإِنَّمَا انْتَقَصْتَهُ مِنْ صَلاَتِكَ " . وَقَالَ فِيهِ " إِذَا قُمْتَ إِلَى الصَّلاَةِ فَأَسْبِغِ الْوُضُوءَ " .
Abu Hurayra (roziyallohu anhu)dan rivoyat qilinadiki, Rasululloh ﷺ masjidga kirdilar. Soʻng bir kishi (ham) kirib namoz oʻqidi, keyin kelib Rasululloh ﷺga salom berdi. Rasululloh ﷺ uning salomiga alik olib: «Qaytib (yana) namoz oʻqi, chunki sen namoz oʻqimading», dedilar. Bas, u kishi qaytib, avval oʻqiganidek (yana) namoz oʻqidi, soʻng Nabiy ﷺning oldilariga kelib salom berdi. Rasululloh ﷺ unga: «Va alaykassalom», deb (alik olib), soʻngra: «Qaytib (yana) namoz oʻqi, chunki sen namoz oʻqimading», dedilar. To u buni uch marta qilgunicha (shunday boʻldi). Bas, u kishi: «Sizni haq bilan (paygʻambar qilib) yuborgan Zotga qasamki, men bundan boshqasini eplay olmayman, shuning uchun menga oʻrgating», dedi. U zot ﷺ shunday dedilar: «Namozga turganingda, takbir ayt. Soʻngra Qurʼondan oʻzingga muyassar boʻlganini oʻqi. Soʻngra rukuʼda muqim (osuda) boʻlguningcha rukuʼ qil. Soʻngra tik holatda rostlanguningcha boshingni koʻtar. Soʻngra sajdada muqim boʻlguningcha sajda qil. Soʻngra oʻtirgan holda muqim boʻlguningcha oʻtir. Soʻngra butun namozingda shuni qil». Abu Dovud aytadi: al-Qaʼnabiy (rivoyatida) Said ibn Abu Said al-Maqburiydan, u Abu Hurayradan (deb keltirdi) va oxirida shuni qoʻshdi: «Mana shuni qilsang, namozing tugal (toʻkis) boʻladi. Bundan biror narsani kamaytirsang, namozingdan kamaytirgan boʻlasan». Hamda unda: «Namozga turganingda, taharatni mukammal qilgin», dedi.Абу Ҳурайра (розияллоҳу анҳу)дан ривоят қилинадики, Расулуллоҳ ﷺ масжидга кирдилар. Сўнг бир киши (ҳам) кириб намоз ўқиди, кейин келиб Расулуллоҳ ﷺга салом берди. Расулуллоҳ ﷺ унинг саломига алик олиб: «Қайтиб (яна) намоз ўқи, чунки сен намоз ўқимадинг», дедилар. Бас, у киши қайтиб, аввал ўқиганидек (яна) намоз ўқиди, сўнг Набий ﷺнинг олдиларига келиб салом берди. Расулуллоҳ ﷺ унга: «Ва алайкассалом», деб (алик олиб), сўнгра: «Қайтиб (яна) намоз ўқи, чунки сен намоз ўқимадинг», дедилар. То у буни уч марта қилгунича (шундай бўлди). Бас, у киши: «Сизни ҳақ билан (пайғамбар қилиб) юборган Зотга қасамки, мен бундан бошқасини эплай олмайман, шунинг учун менга ўргатинг», деди. У зот ﷺ шундай дедилар: «Намозга турганингда, такбир айт. Сўнгра Қуръондан ўзингга муяссар бўлганини ўқи. Сўнгра рукуъда муқим (осуда) бўлгунингча рукуъ қил. Сўнгра тик ҳолатда ростлангунингча бошингни кўтар. Сўнгра саждада муқим бўлгунингча сажда қил. Сўнгра ўтирган ҳолда муқим бўлгунингча ўтир. Сўнгра бутун намозингда шуни қил». Абу Довуд айтади: ал-Қаънабий (ривоятида) Саид ибн Абу Саид ал-Мақбурийдан, у Абу Ҳурайрадан (деб келтирди) ва охирида шуни қўшди: «Мана шуни қилсанг, намозинг тугал (тўкис) бўлади. Бундан бирор нарсани камайтирсанг, намозингдан камайтирган бўласан». Ҳамда унда: «Намозга турганингда, таҳаратни мукаммал қилгин», деди.