Abul-Baxtariy (rahimahulloh) aytadiki, men bir kishidan bir hadisni eshitdim, u menga yoqdi, shunda: «Buni menga yozib ber», dedim. U buni yozilgan, chiroyli tartibga solingan holda olib keldi: Abbos va Ali Umarning oldiga kirdilar, uning huzurida Talha, Zubayr, Abdurrahmon va Saʼd bor edi; (Abbos bilan Ali) bir-birlari bilan tortishar edilar. Shunda Umar Talha, Zubayr, Abdurrahmon va Saʼdga dedi: «Rasululloh ﷺ: ‹Nabiyning butun moli sadaqadir, faqat oilasiga yedirgani va kiydirganidan boshqasi; biz (Anbiyolarga) meros qolinmaydi› deganlarini bilmaysizlarmi?» Ular: «Ha (bilamiz)», dedilar. (Umar) dedi: Bas, Rasululloh ﷺ molidan oilasiga sarflar va ortgan qismini sadaqa qilar edilar. Soʻngra Rasululloh ﷺ vafot etdilar, bas, Abu Bakr ikki yil uning ishini boshqardi va Rasululloh ﷺ qilib turgan ishni qildi. Soʻngra (roviy) Molik ibn Avs hadisidan biror narsani zikr qildi.Абул-Бахтарий (раҳимаҳуллоҳ) айтадики, мен бир кишидан бир ҳадисни эшитдим, у менга ёқди, шунда: «Буни менга ёзиб бер», дедим. У буни ёзилган, чиройли тартибга солинган ҳолда олиб келди: Аббос ва Али Умарнинг олдига кирдилар, унинг ҳузурида Талҳа, Зубайр, Абдурраҳмон ва Саъд бор эди; (Аббос билан Али) бир-бирлари билан тортишар эдилар. Шунда Умар Талҳа, Зубайр, Абдурраҳмон ва Саъдга деди: «Расулуллоҳ ﷺ: ‹Набийнинг бутун моли садақадир, фақат оиласига едиргани ва кийдирганидан бошқаси; биз (Анбиёларга) мерос қолинмайди› деганларини билмайсизларми?» Улар: «Ҳа (биламиз)», дедилар. (Умар) деди: Бас, Расулуллоҳ ﷺ молидан оиласига сарфлар ва ортган қисмини садақа қилар эдилар. Сўнгра Расулуллоҳ ﷺ вафот этдилар, бас, Абу Бакр икки йил унинг ишини бошқарди ва Расулуллоҳ ﷺ қилиб турган ишни қилди. Сўнгра (ровий) Молик ибн Авс ҳадисидан бирор нарсани зикр қилди.