حَدَّثَنَا هَنَّادُ بْنُ السَّرِيِّ، عَنْ أَبِي أُسَامَةَ، عَنْ مُجَالِدٍ، عَنِ الشَّعْبِيِّ، عَنْ عَامِرِ بْنِ شَهْرٍ، قَالَ خَرَجَ رَسُولُ اللَّهِ صلى الله عليه وسلم فَقَالَتْ لِي هَمْدَانُ هَلْ أَنْتَ آتٍ هَذَا الرَّجُلَ وَمُرْتَادٌ لَنَا فَإِنْ رَضِيتَ لَنَا شَيْئًا قَبِلْنَاهُ وَإِنْ كَرِهْتَ شَيْئًا كَرِهْنَاهُ قُلْتُ نَعَمْ . فَجِئْتُ حَتَّى قَدِمْتُ عَلَى رَسُولِ اللَّهِ صلى الله عليه وسلم فَرَضِيتُ أَمْرَهُ وَأَسْلَمَ قَوْمِي وَكَتَبَ رَسُولُ اللَّهِ صلى الله عليه وسلم هَذَا الْكِتَابَ إِلَى عُمَيْرٍ ذِي مَرَّانَ قَالَ وَبَعَثَ مَالِكَ بْنَ مِرَارَةَ الرَّهَاوِيَّ إِلَى الْيَمَنِ جَمِيعًا فَأَسْلَمَ عَكٌّ ذُو خَيْوَانَ . قَالَ فَقِيلَ لِعَكٍّ انْطَلِقْ إِلَى رَسُولِ اللَّهِ صلى الله عليه وسلم فَخُذْ مِنْهُ الأَمَانَ عَلَى قَرْيَتِكَ وَمَالِكَ فَقَدِمَ وَكَتَبَ لَهُ رَسُولُ اللَّهِ صلى الله عليه وسلم " بِسْمِ اللَّهِ الرَّحْمَنِ الرَّحِيمِ مِنْ مُحَمَّدٍ رَسُولِ اللَّهِ لِعَكٍّ ذِي خَيْوَانَ إِنْ كَانَ صَادِقًا فِي أَرْضِهِ وَمَالِهِ وَرَقِيقِهِ فَلَهُ الأَمَانُ وَذِمَّةُ اللَّهِ وَذِمَّةُ مُحَمَّدٍ رَسُولِ اللَّهِ " . وَكَتَبَ خَالِدُ بْنُ سَعِيدِ بْنِ الْعَاصِ .
Omir ibn Shahr (roziyallohu anhu) aytadi: Rasululloh ﷺ (paygʻambar boʻlib) zohir boʻlganlarida, Hamdon (qabilasi) menga: «Sen ana shu kishining oldiga borib, biz uchun (uning ishini) bilib kelmaysanmi? Agar biz uchun bir narsani maʼqul koʻrsang, biz ham uni qabul qilamiz, agar bir narsani yomon koʻrsang, biz ham uni yomon koʻramiz», dedi. Men: «Xoʻp», dedim. Soʻng yoʻlga chiqib, toki Rasululloh ﷺ huzurlariga keldim. Men u zotning ishini maʼqul topdim va qavmim Islomni qabul qildi. Rasululloh ﷺ Umayr Zu Marronga mana shu maktubni yozdilar. (Omir) aytadi: U zot Molik ibn Maroratar-Rahoviyni butun Yamanga yubordilar, shunda Akk Zu Xayvon Islomni qabul qildi. (Omir) aytadi: Akkga: «Rasululloh ﷺ huzurlariga borib, qishlogʻing va molingga u zotdan omonlik olib kel», deyildi. Bas, u keldi va Rasululloh ﷺ unga: «Bismillahir Rohmanir Rohiym. Muhammad Rasulullohdan Akk Zu Xayvonga. Agar u yeri, moli va qullari haqida rost soʻzlagan boʻlsa, unga omonlik, Allohning zimmasi va Allohning Rasuli Muhammadning zimmasi (himoyasi) bordir», deb yozdilar. Buni Xolid ibn Said ibnul Os yozdi.Омир ибн Шаҳр (розияллоҳу анҳу) айтади: Расулуллоҳ ﷺ (пайғамбар бўлиб) зоҳир бўлганларида, Ҳамдон (қабиласи) менга: «Сен ана шу кишининг олдига бориб, биз учун (унинг ишини) билиб келмайсанми? Агар биз учун бир нарсани маъқул кўрсанг, биз ҳам уни қабул қиламиз, агар бир нарсани ёмон кўрсанг, биз ҳам уни ёмон кўрамиз», деди. Мен: «Хўп», дедим. Сўнг йўлга чиқиб, токи Расулуллоҳ ﷺ ҳузурларига келдим. Мен у зотнинг ишини маъқул топдим ва қавмим Исломни қабул қилди. Расулуллоҳ ﷺ Умайр Зу Марронга мана шу мактубни ёздилар. (Омир) айтади: У зот Молик ибн Мароратар-Раҳовийни бутун Яманга юбордилар, шунда Акк Зу Хайвон Исломни қабул қилди. (Омир) айтади: Аккга: «Расулуллоҳ ﷺ ҳузурларига бориб, қишлоғинг ва молингга у зотдан омонлик олиб кел», дейилди. Бас, у келди ва Расулуллоҳ ﷺ унга: «Бисмиллаҳир Роҳманир Роҳийм. Муҳаммад Расулуллоҳдан Акк Зу Хайвонга. Агар у ери, моли ва қуллари ҳақида рост сўзлаган бўлса, унга омонлик, Аллоҳнинг зиммаси ва Аллоҳнинг Расули Муҳаммаднинг зиммаси (ҳимояси) бордир», деб ёздилар. Буни Холид ибн Саид ибнул Ос ёзди.