Amr ibn Avf al-Muzaniy (roziyallohu anhu)dan rivoyat qilinadiki, Paygʻambar ﷺ Bilol ibn al-Horis al-Muzaniyga al-Qabaliyya konlarini — uning baland (qismi)ni ham, past (qismi)ni ham (Abbosdan boshqasi: «uning tepa va past joyini» dedi) — va Quds (mavzeʼi)dan ekin yetishadigan (yer)ni (mulk qilib) ajratib berdilar, lekin unga musulmonning haqqi (boshqaning huquqi taalluqli joy)ni bermadilar. Paygʻambar ﷺ unga (shunday hujjat) yozib berdilar: «Bismillahir Rohmanir Rohiym. Bu — Muhammad Rasululloh Bilol ibn al-Horis al-Muzaniyga bergan (narsa)dir. U unga al-Qabaliyya konlarini, uning baland (qismi)ni ham, past (qismi)ni ham (Abbosdan boshqasi: ‹uning tepa va past joyini› dedi) va Quds (mavzeʼi)dan ekin yetishadigan (yer)ni berdi, ammo unga musulmonning haqqini bermadi». Abu Uvays aytdi: Menga Banu ad-Diyl ibn Bakr ibn Kinonaning ozod qilgan quli Savr ibn Zayd, Ikrimadan, u Ibn Abbos (roziyallohu anhumo)dan shuning oʻxshashini rivoyat qildi.Амр ибн Авф ал-Музаний (розияллоҳу анҳу)дан ривоят қилинадики, Пайғамбар ﷺ Билол ибн ал-Ҳорис ал-Музанийга ал-Қабалийя конларини — унинг баланд (қисми)ни ҳам, паст (қисми)ни ҳам (Аббосдан бошқаси: «унинг тепа ва паст жойини» деди) — ва Қудс (мавзеъи)дан экин етишадиган (ер)ни (мулк қилиб) ажратиб бердилар, лекин унга мусулмоннинг ҳаққи (бошқанинг ҳуқуқи тааллуқли жой)ни бермадилар. Пайғамбар ﷺ унга (шундай ҳужжат) ёзиб бердилар: «Бисмиллаҳир Роҳманир Роҳийм. Бу — Муҳаммад Расулуллоҳ Билол ибн ал-Ҳорис ал-Музанийга берган (нарса)дир. У унга ал-Қабалийя конларини, унинг баланд (қисми)ни ҳам, паст (қисми)ни ҳам (Аббосдан бошқаси: ‹унинг тепа ва паст жойини› деди) ва Қудс (мавзеъи)дан экин етишадиган (ер)ни берди, аммо унга мусулмоннинг ҳаққини бермади». Абу Увайс айтди: Менга Бану ад-Дийл ибн Бакр ибн Кинонанинг озод қилган қули Савр ибн Зайд, Икримадан, у Ибн Аббос (розияллоҳу анҳумо)дан шунинг ўхшашини ривоят қилди.