Sabra ibn Maʼbad al-Juhaniy (roziyallohu anhu)dan rivoyat qilinadi: Nabiy ﷺ masjid joylashgan yerda, katta bir daraxt tagiga tushib, u yerda uch kun turdilar. Soʻng Tabukka qarab yoʻlga chiqdilar. Juhayna (qabilasi) u zotga keng tekislikda yetishib oldilar. Shunda u zot ularga: «Zul-Marva ahli kimlardir?» dedilar. Ular: «Juhaynadan boʻlgan Rifoʼa oʻgʻillaridir», dedilar. U zot: «Men uni Rifoʼa oʻgʻillariga boʻlak qilib berdim», dedilar. Shunda ular uni boʻlishib oldilar; ulardan baʼzilari (oʻz ulushini) sotib yubordi, baʼzilari esa oʻzida ushlab qolib, unda ish qildi. (Roviy Ibn Vahb aytadi:) Soʻng men uning otasi Abdulazizdan ushbu hadis haqida soʻradim, u menga uning baʼzisini gapirib berdi, hammasini esa gapirib bermadi.Сабра ибн Маъбад ал-Жуҳаний (розияллоҳу анҳу)дан ривоят қилинади: Набий ﷺ масжид жойлашган ерда, катта бир дарахт тагига тушиб, у ерда уч кун турдилар. Сўнг Табукка қараб йўлга чиқдилар. Жуҳайна (қабиласи) у зотга кенг текисликда етишиб олдилар. Шунда у зот уларга: «Зул-Марва аҳли кимлардир?» дедилар. Улар: «Жуҳайнадан бўлган Рифўа ўғилларидир», дедилар. У зот: «Мен уни Рифўа ўғилларига бўлак қилиб бердим», дедилар. Шунда улар уни бўлишиб олдилар; улардан баъзилари (ўз улушини) сотиб юборди, баъзилари эса ўзида ушлаб қолиб, унда иш қилди. (Ровий Ибн Ваҳб айтади:) Сўнг мен унинг отаси Абдулазиздан ушбу ҳадис ҳақида сўрадим, у менга унинг баъзисини гапириб берди, ҳаммасини эса гапириб бермади.