Rasululloh ﷺning ozod qilgan qullari Bashir (roziyallohu anhu)dan rivoyat qilinadi — uning johiliyat davridagi ismi Zahm ibn Maʼbad edi, soʻng u Rasululloh ﷺ huzuriga hijrat qildi. U zot ﷺ: «Isming nima?» deb soʻradilar. U: «Zahm», dedi. U zot ﷺ: «Yoʻq, sen Bashirsan», dedilar. Bashir aytadi: Men Rasululloh ﷺ bilan birga yurib borardim. U zot ﷺ mushriklarning qabrlari yonidan oʻtdilar va: «Bular koʻp yaxshilikdan (oldin oʻtib) mahrum boʻldilar», deb uch marta aytdilar. Soʻng musulmonlarning qabrlari yonidan oʻtdilar va: «Bular koʻp yaxshilikka erishdilar», dedilar. Shu asnoda Rasululloh ﷺning nazarlari (bir tomonga) tushdi va birdan oyogʻiga ikkita kavush kiygan bir kishi qabrlar orasida yurib turganini koʻrdilar. Shunda u zot ﷺ: «Ey ikkita sibtiyya (terisidan ishlangan kavush) egasi, holingga voy! Sibtiyyalaringni yechib tashla!» dedilar. U kishi (atrofga) qaradi va Rasululloh ﷺni tanigach, ikkovini yechib, otib yubordi.Расулуллоҳ ﷺнинг озод қилган қуллари Башир (розияллоҳу анҳу)дан ривоят қилинади — унинг жоҳилият давридаги исми Заҳм ибн Маъбад эди, сўнг у Расулуллоҳ ﷺ ҳузурига ҳижрат қилди. У зот ﷺ: «Исминг нима?» деб сўрадилар. У: «Заҳм», деди. У зот ﷺ: «Йўқ, сен Баширсан», дедилар. Башир айтади: Мен Расулуллоҳ ﷺ билан бирга юриб борардим. У зот ﷺ мушрикларнинг қабрлари ёнидан ўтдилар ва: «Булар кўп яхшиликдан (олдин ўтиб) маҳрум бўлдилар», деб уч марта айтдилар. Сўнг мусулмонларнинг қабрлари ёнидан ўтдилар ва: «Булар кўп яхшиликка эришдилар», дедилар. Шу аснода Расулуллоҳ ﷺнинг назарлари (бир томонга) тушди ва бирдан оёғига иккита кавуш кийган бир киши қабрлар орасида юриб турганини кўрдилар. Шунда у зот ﷺ: «Эй иккита сибтийя (терисидан ишланган кавуш) эгаси, ҳолингга вой! Сибтийяларингни ечиб ташла!» дедилар. У киши (атрофга) қаради ва Расулуллоҳ ﷺни танигач, икковини ечиб, отиб юборди.