Ibn Abbos (roziyallohu anhumo)dan rivoyat qilinadi: Nabiy ﷺning huzurlariga ulovi boʻynini sindirib qoʻyib, ehrom holatida vafot etgan bir kishi (jasadi) keltirildi. Shunda u zot ﷺ: «Uni ikkita kiyimiga kafanlanglar, suv va sidr (bilan) yuvinglar, boshini berkitmanglar, chunki Alloh uni Qiyomat kuni talbiya aytib turgan holda qayta tiriltiradi», dedilar. Abu Dovud aytadi: Men Ahmad ibn Hanbalning bu hadis haqida shunday deganini eshitdim: Bu hadisda beshta sunnat bor. «Uni ikkita kiyimiga kafanlanglar» — yaʼni mayyit ikkita kiyimga kafanlanadi. «Uni suv va sidr (bilan) yuvinglar» — yaʼni butun yuvishlarning hammasida sidr boʻladi. «Boshini berkitmanglar», unga xushboʻylik (atir) yaqinlashtirmanglar va kafan butun moldan (ajratiladi).Ибн Аббос (розияллоҳу анҳумо)дан ривоят қилинади: Набий ﷺнинг ҳузурларига улови бўйнини синдириб қўйиб, эҳром ҳолатида вафот этган бир киши (жасади) келтирилди. Шунда у зот ﷺ: «Уни иккита кийимига кафанланглар, сув ва сидр (билан) ювинглар, бошини беркитманглар, чунки Аллоҳ уни Қиёмат куни талбия айтиб турган ҳолда қайта тирилтиради», дедилар. Абу Довуд айтади: Мен Аҳмад ибн Ҳанбалнинг бу ҳадис ҳақида шундай деганини эшитдим: Бу ҳадисда бешта суннат бор. «Уни иккита кийимига кафанланглар» — яъни маййит иккита кийимга кафанланади. «Уни сув ва сидр (билан) ювинглар» — яъни бутун ювишларнинг ҳаммасида сидр бўлади. «Бошини беркитманглар», унга хушбўйлик (атир) яқинлаштирманглар ва кафан бутун молдан (ажратилади).