Xorija ibn Salt (rahimahulloh) amakisidan rivoyat qiladiki, u bir qavm yonidan oʻtib qoldi, ular uning oldiga kelib: «Sen anavi kishi (Rasululloh ﷺ) huzuridan yaxshilik bilan keldingmi? Bizning anavi kishimizga ruqya qilib bergin», deyishdi. Soʻng ular kishanlangan, telba bir kishini olib kelishdi. U unga uch kun davomida — erta-yu kech — Ummul-Qurʼonni (Fotihani) oʻqidi. Har safar uni tugatganda, soʻlagini yigʻib, soʻng tupurar edi. Nihoyat u xuddi tushovdan boʻshatilgandek (sogʻayib ketdi). Ular unga biror narsa berishdi. Soʻng u Paygʻambar ﷺ huzurlariga kelib, buni u zotga aytib berdi. Shunda Paygʻambar ﷺ: «(Uni) yeyaver! Umrim bilan qasam, baʼzilar botil ruqya bilan (haq) yeydilar, sen esa haq ruqya bilan yeding», dedilar.Хорижа ибн Салт (раҳимаҳуллоҳ) амакисидан ривоят қиладики, у бир қавм ёнидан ўтиб қолди, улар унинг олдига келиб: «Сен анави киши (Расулуллоҳ ﷺ) ҳузуридан яхшилик билан келдингми? Бизнинг анави кишимизга руқя қилиб бергин», дейишди. Сўнг улар кишанланган, телба бир кишини олиб келишди. У унга уч кун давомида — эрта-ю кеч — Уммул-Қуръонни (Фотиҳани) ўқиди. Ҳар сафар уни тугатганда, сўлагини йиғиб, сўнг тупурар эди. Ниҳоят у худди тушовдан бўшатилгандек (соғайиб кетди). Улар унга бирор нарса беришди. Сўнг у Пайғамбар ﷺ ҳузурларига келиб, буни у зотга айтиб берди. Шунда Пайғамбар ﷺ: «(Уни) еявер! Умрим билан қасам, баъзилар ботил руқя билан (ҳақ) ейдилар, сен эса ҳақ руқя билан единг», дедилар.