Ummu Salama (roziyallohu anho) aytdi: Rasululloh ﷺning oldilariga ikki kishi kelib, oʻzlariga (tegishli) merosxoʻrlik haqida nizolashardi. Ularning daʼvolaridan boshqa hech qanday hujjati yoʻq edi. Shunda Nabiy ﷺ — (roviy) avvalgisiga oʻxshashini zikr qildi. Bas, ikkala kishi yigʻlab yubordi va har biri: «Mening haqqim senga boʻlsin», dedi. Shunda Nabiy ﷺ ularga: «Modomiki sizlar (shunday) qildingiz, endi (mol-mulkni) boʻlib oling-da, haqqa intiling. Soʻng qurʼa tashlang, soʻng bir-biringizni rozi qilib, halollashing», dedilar.Умму Салама (розияллоҳу анҳо) айтди: Расулуллоҳ ﷺнинг олдиларига икки киши келиб, ўзларига (тегишли) меросхўрлик ҳақида низолашарди. Уларнинг даъволаридан бошқа ҳеч қандай ҳужжати йўқ эди. Шунда Набий ﷺ — (ровий) аввалгисига ўхшашини зикр қилди. Бас, иккала киши йиғлаб юборди ва ҳар бири: «Менинг ҳаққим сенга бўлсин», деди. Шунда Набий ﷺ уларга: «Модомики сизлар (шундай) қилдингиз, энди (мол-мулкни) бўлиб олинг-да, ҳаққа интилинг. Сўнг қуръа ташланг, сўнг бир-бирингизни рози қилиб, ҳалоллашинг», дедилар.