Abdulloh ibn Zubayr (roziyallohu anhumo)dan rivoyat qilinishicha, bir kishi Zubayr bilan Harradagi suv chiqadigan ariqlar (ulardan suv ichadigan suv yoʻllari) xususida nizolashdi. Ansoriy: «Suvni qoʻyib yubor, oqib oʻtsin», dedi. Zubayr esa unga (suvni qoʻyib yuborishga) koʻnmadi. Shunda Rasululloh ﷺ Zubayrga: «Ey Zubayr, (yeringni) sugʻorgin, soʻngra suvni qoʻshningga yuborgin», dedilar. Bunga ansoriy gʻazablanib: «Ey Allohning Rasuli, u (Zubayr) sizning ammangizning oʻgʻli boʻlgani uchunmi?» dedi. Shunda Rasululloh ﷺning yuzlari oʻzgardi (rangi qochdi), soʻngra: «(Yeringni) sugʻor, soʻng suv toʻgʻonga (devor tagiga) yetguncha uni toʻsib turgin», dedilar. Zubayr aytdi: Allohga qasamki, men gumon qilamanki, ushbu oyat shu xususda nozil boʻlgan: {Yoʻq! Robbingga qasamki, ular oʻzaro talashgan narsalarida seni hakam qilmagunlaricha... iymon keltirmaydilar} (Niso 65).Абдуллоҳ ибн Зубайр (розияллоҳу анҳумо)дан ривоят қилинишича, бир киши Зубайр билан Ҳаррадаги сув чиқадиган ариқлар (улардан сув ичадиган сув йўллари) хусусида низолашди. Ансорий: «Сувни қўйиб юбор, оқиб ўтсин», деди. Зубайр эса унга (сувни қўйиб юборишга) кўнмади. Шунда Расулуллоҳ ﷺ Зубайрга: «Эй Зубайр, (ерингни) суғоргин, сўнгра сувни қўшнингга юборгин», дедилар. Бунга ансорий ғазабланиб: «Эй Аллоҳнинг Расули, у (Зубайр) сизнинг аммангизнинг ўғли бўлгани учунми?» деди. Шунда Расулуллоҳ ﷺнинг юзлари ўзгарди (ранги қочди), сўнгра: «(Ерингни) суғор, сўнг сув тўғонга (девор тагига) етгунча уни тўсиб тургин», дедилар. Зубайр айтди: Аллоҳга қасамки, мен гумон қиламанки, ушбу оят шу хусусда нозил бўлган: {Йўқ! Роббингга қасамки, улар ўзаро талашган нарсаларида сени ҳакам қилмагунларича... иймон келтирмайдилар} (Нисо 65).