Oisha (roziyallohu anho)dan rivoyat qilinadiki, u shunday dedi: Rasululloh ﷺ dan «bitʼ» haqida soʻraldi. U zot: «Mast qiladigan har qanday ichimlik haromdir», dedilar. Abu Dovud aytdi: Men Yazid ibn Abdu Rabbihi al-Jurjusiyga: «Muhammad ibn Harb sizlarga az-Zubaydiydan, u az-Zuhriydan ushbu hadisni oʻz isnodi bilan rivoyat qilib berdi», deb oʻqib berdim. (Unda) shu ziyoda bor edi: «Bitʼ — asaldan (tayyorlanadigan) nabizdir, Yaman ahli uni ichar edilar». Abu Dovud aytdi: Ahmad ibn Hanbalning shunday deganini eshitdim: «Lo ilaha illalloh, u (al-Jurjusiy) qanchalik ishonchli (mustahkam) edi! Ular orasida — yaʼni Hims ahli orasida — uning misli yoʻq edi».Оиша (розияллоҳу анҳо)дан ривоят қилинадики, у шундай деди: Расулуллоҳ ﷺ дан «битъ» ҳақида сўралди. У зот: «Маст қиладиган ҳар қандай ичимлик ҳаромдир», дедилар. Абу Довуд айтди: Мен Язид ибн Абду Раббиҳи ал-Журжусийга: «Муҳаммад ибн Ҳарб сизларга аз-Зубайдийдан, у аз-Зуҳрийдан ушбу ҳадисни ўз исноди билан ривоят қилиб берди», деб ўқиб бердим. (Унда) шу зиёда бор эди: «Битъ — асалдан (тайёрланадиган) набиздир, Яман аҳли уни ичар эдилар». Абу Довуд айтди: Аҳмад ибн Ҳанбалнинг шундай деганини эшитдим: «Ло илаҳа иллаллоҳ, у (ал-Журжусий) қанчалик ишончли (мустаҳкам) эди! Улар орасида — яъни Ҳимс аҳли орасида — унинг мисли йўқ эди».