Mugʻiyra ibn Shuʼba (roziyallohu anhu) aytadilar: Men sarimsoq yedim-da, soʻng Nabiy ﷺ namoz oʻqiyotgan joyga keldim, (kelganimda namozning) bir rakati oʻtib boʻlgan edi. Masjidga kirganimda, Nabiy ﷺ sarimsoq hidini sezdilar. Rasululloh ﷺ namozlarini tugatgach: «Kim mana bu oʻsimlikdan yegan boʻlsa, hidi ketgunicha bizga yaqinlashmasin», dedilar. Men namozni tugatgach, Rasululloh ﷺ huzurlariga keldim-da: «Yo Rasululloh, Allohga qasamki, qoʻlingizni menga bering», dedim. Soʻng men u zotning qoʻllarini koʻylagimning yengidan koʻkragimga kiritdim. (Shunda) koʻkragim (kasalligim sababli) bogʻlangan edi. U zot: «Sening uzring bor ekan», dedilar.Муғийра ибн Шуъба (розияллоҳу анҳу) айтадилар: Мен саримсоқ едим-да, сўнг Набий ﷺ намоз ўқиётган жойга келдим, (келганимда намознинг) бир ракати ўтиб бўлган эди. Масжидга кирганимда, Набий ﷺ саримсоқ ҳидини сездилар. Расулуллоҳ ﷺ намозларини тугатгач: «Ким мана бу ўсимликдан еган бўлса, ҳиди кетгунича бизга яқинлашмасин», дедилар. Мен намозни тугатгач, Расулуллоҳ ﷺ ҳузурларига келдим-да: «Ё Расулуллоҳ, Аллоҳга қасамки, қўлингизни менга беринг», дедим. Сўнг мен у зотнинг қўлларини кўйлагимнинг енгидан кўкрагимга киритдим. (Шунда) кўкрагим (касаллигим сабабли) боғланган эди. У зот: «Сенинг узринг бор экан», дедилар.