Ibn Abbos (roziyallohu anhumo) shunday dedi: Umarning huzuriga zino qilgan bir majnuna ayol keltirildi. U (Umar) uning haqida bir necha kishilar bilan maslahatlashdi, soʻng uni toshboʻron qilishga buyurdi. (Ayolni) Ali ibn Abu Tolib (rizvonullohi alayhi) yonidan olib oʻtishdi. (Ali): «Bu (ayol)ning ahvoli nima?» dedi. Ular: «Bu falon urugʻining majnuna ayoli, zino qilgan. Umar uni toshboʻron qilishga buyurgan», dedilar. (Ali): «Uni qaytaringlar», dedi. Soʻng (Umarning) huzuriga kelib: «Ey moʻminlar amiri! Uch (toifa)dan qalam koʻtarilganini bilmaysanmi? Sogʻayguniga qadar majnundan, uygʻonguniga qadar uxlab yotgandan va aqli yetguniga qadar boladan (koʻtarilgan)», dedi. (Umar): «Ha (bilaman)», dedi. (Ali): «Unday boʻlsa bu (ayol) nega toshboʻron qilinadi?» dedi. (Umar): «Sababi yoʻq ekan», dedi. (Ali): «Uni qoʻyib yubor», dedi. Soʻng u (Umar) uni qoʻyib yubordi. Ana shunda (Umar) takbir ayta boshladi.Ибн Аббос (розияллоҳу анҳумо) шундай деди: Умарнинг ҳузурига зино қилган бир мажнуна аёл келтирилди. У (Умар) унинг ҳақида бир неча кишилар билан маслаҳатлашди, сўнг уни тошбўрон қилишга буюрди. (Аёлни) Али ибн Абу Толиб (ризвонуллоҳи алайҳи) ёнидан олиб ўтишди. (Али): «Бу (аёл)нинг аҳволи нима?» деди. Улар: «Бу фалон уруғининг мажнуна аёли, зино қилган. Умар уни тошбўрон қилишга буюрган», дедилар. (Али): «Уни қайтаринглар», деди. Сўнг (Умарнинг) ҳузурига келиб: «Эй мўминлар амири! Уч (тоифа)дан қалам кўтарилганини билмайсанми? Соғайгунига қадар мажнундан, уйғонгунига қадар ухлаб ётгандан ва ақли етгунига қадар боладан (кўтарилган)», деди. (Умар): «Ҳа (биламан)», деди. (Али): «Ундай бўлса бу (аёл) нега тошбўрон қилинади?» деди. (Умар): «Сабаби йўқ экан», деди. (Али): «Уни қўйиб юбор», деди. Сўнг у (Умар) уни қўйиб юборди. Ана шунда (Умар) такбир айта бошлади.