Anas ibn Molik (roziyallohu anhu)dan rivoyat qilinadi: Anas ibn an-Nazrning singlisi Rubayyiʼ bir ayolning oldingi tishini sindirib qoʻydi. Shunda ular Paygʻambar ﷺ huzuriga keldilar. U zot Allohning Kitobiga koʻra qasos (qilinishi) hukmini chiqardilar. Anas ibn an-Nazr: «Sizni haq bilan (Paygʻambar qilib) yuborgan Zotga qasamki, bugun uning tishi sindirilmaydi!» dedi. U zot: «Ey Anas! Allohning Kitobi qasosdir», dedilar. Soʻng (haligilar) tovon olishga rozi boʻlib, uni olishdi. Bundan Allohning Paygʻambari ﷺ taajjublanib: «Allohning bandalari orasida shundaylari borki, agar ular Allohga (biror narsa uchun) qasam ichsalar, Alloh ularning qasamini rost qilib qoʻyadi», dedilar. Abu Dovud aytadi: Men Ahmad ibn Hanbaldan eshitdim, undan: «Tishdan qanday qasos olinadi?» deb soʻralganda, u: «Egov bilan egovlanadi», dedi.Анас ибн Молик (розияллоҳу анҳу)дан ривоят қилинади: Анас ибн ан-Назрнинг синглиси Рубаййиъ бир аёлнинг олдинги тишини синдириб қўйди. Шунда улар Пайғамбар ﷺ ҳузурига келдилар. У зот Аллоҳнинг Китобига кўра қасос (қилиниши) ҳукмини чиқардилар. Анас ибн ан-Назр: «Сизни ҳақ билан (Пайғамбар қилиб) юборган Зотга қасамки, бугун унинг тиши синдирилмайди!» деди. У зот: «Эй Анас! Аллоҳнинг Китоби қасосдир», дедилар. Сўнг (ҳалигилар) товон олишга рози бўлиб, уни олишди. Бундан Аллоҳнинг Пайғамбари ﷺ таажжубланиб: «Аллоҳнинг бандалари орасида шундайлари борки, агар улар Аллоҳга (бирор нарса учун) қасам ичсалар, Аллоҳ уларнинг қасамини рост қилиб қўяди», дедилар. Абу Довуд айтади: Мен Аҳмад ибн Ҳанбалдан эшитдим, ундан: «Тишдан қандай қасос олинади?» деб сўралганда, у: «Эгов билан эговланади», деди.