حَدَّثَنَا مُحَمَّدُ بْنُ الْعَلاَءِ، حَدَّثَنَا أَبُو بَكْرٍ، عَنْ عَاصِمٍ، قَالَ سَمِعْتُ الْحَجَّاجَ، وَهُوَ عَلَى الْمِنْبَرِ يَقُولُ اتَّقُوا اللَّهَ مَا اسْتَطَعْتُمْ لَيْسَ فِيهَا مَثْنَوِيَّةٌ وَاسْمَعُوا وَأَطِيعُوا لَيْسَ فِيهَا مَثْنَوِيَّةٌ لأَمِيرِ الْمُؤْمِنِينَ عَبْدِ الْمَلِكِ وَاللَّهِ لَوْ أَمَرْتُ النَّاسَ أَنْ يَخْرُجُوا مِنْ بَابٍ مِنْ أَبْوَابِ الْمَسْجِدِ فَخَرَجُوا مِنْ بَابٍ آخَرَ لَحَلَّتْ لِي دِمَاؤُهُمْ وَأَمْوَالُهُمْ وَاللَّهِ لَوْ أَخَذْتُ رَبِيعَةَ بِمُضَرَ لَكَانَ ذَلِكَ لِي مِنَ اللَّهِ حَلاَلاً وَيَا عَذِيرِي مِنْ عَبْدِ هُذَيْلٍ يَزْعُمُ أَنَّ قِرَاءَتَهُ مِنْ عِنْدِ اللَّهِ وَاللَّهِ مَا هِيَ إِلاَّ رَجَزٌ مِنْ رَجَزِ الأَعْرَابِ مَا أَنْزَلَهَا اللَّهُ عَلَى نَبِيِّهِ عَلَيْهِ السَّلاَمُ وَعَذِيرِي مِنْ هَذِهِ الْحَمْرَاءِ يَزْعُمُ أَحَدُهُمْ أَنَّهُ يَرْمِي بِالْحَجَرِ فَيَقُولُ إِلَى أَنْ يَقَعَ الْحَجَرُ قَدْ حَدَثَ أَمْرٌ فَوَاللَّهِ لأَدَعَنَّهُمْ كَالأَمْسِ الدَّابِرِ . قَالَ فَذَكَرْتُهُ لِلأَعْمَشِ فَقَالَ أَنَا وَاللَّهِ سَمِعْتُهُ مِنْهُ .
Osim (rahimahulloh)dan rivoyat qilinadi: Hajjojning minbar ustida turib: «Allohdan qoʻlingizdan kelganicha qoʻrqing, bunda hech bir istisno yoʻq. Amir-ul-muʼminin Abdulmalikka quloq soling va itoat eting, bunda hech bir istisno yoʻq. Alloh haqi, agar men odamlarga masjid eshiklaridan bir eshikdan chiqishni buyursam-u, ular boshqa bir eshikdan chiqsalar, ularning qonlari va mollari menga halol boʻlur edi. Alloh haqi, agar men Rabiʼa (qabilasi)ni Muzar (qabilasi sababidan) ushlasam, bu Allohdan menga halol boʻlur edi. Huzayl quliga (yaʼni Abdulloh ibn Masʼudga) nisbatan menga kim uzr topib beradi? U oʻzining (Qurʼon) qiroati Alloh huzuridan, deb daʼvo qiladi. Alloh haqi, u badaviylarning sajʼ qofiyalaridan boshqa narsa emas, Alloh uni Oʻz Paygʻambari ﷺ ga nozil qilmagan. Mana bu ajamlarga nisbatan ham menga kim uzr topib beradi? Ulardan biri tosh otaman, deydi-da, tosh (yerga) tushgunicha: ‹Yangi bir ish sodir boʻldi›, deydi. Alloh haqi, men ularni oʻtib ketgan kechagi kunday (xarobaga aylantirib) tark etaman», deganini eshitdim. (Rovi) aytdi: Buni Aʼmashga zikr qildim, u: «Alloh haqi, men buni undan eshitganman», dedi.Осим (раҳимаҳуллоҳ)дан ривоят қилинади: Ҳажжожнинг минбар устида туриб: «Аллоҳдан қўлингиздан келганича қўрқинг, бунда ҳеч бир истисно йўқ. Амир-ул-муъминин Абдулмаликка қулоқ солинг ва итоат этинг, бунда ҳеч бир истисно йўқ. Аллоҳ ҳақи, агар мен одамларга масжид эшикларидан бир эшикдан чиқишни буюрсам-у, улар бошқа бир эшикдан чиқсалар, уларнинг қонлари ва моллари менга ҳалол бўлур эди. Аллоҳ ҳақи, агар мен Рабиъа (қабиласи)ни Музар (қабиласи сабабидан) ушласам, бу Аллоҳдан менга ҳалол бўлур эди. Ҳузайл қулига (яъни Абдуллоҳ ибн Масъудга) нисбатан менга ким узр топиб беради? У ўзининг (Қуръон) қироати Аллоҳ ҳузуридан, деб даъво қилади. Аллоҳ ҳақи, у бадавийларнинг сажъ қофияларидан бошқа нарса эмас, Аллоҳ уни Ўз Пайғамбари ﷺ га нозил қилмаган. Мана бу ажамларга нисбатан ҳам менга ким узр топиб беради? Улардан бири тош отаман, дейди-да, тош (ерга) тушгунича: ‹Янги бир иш содир бўлди›, дейди. Аллоҳ ҳақи, мен уларни ўтиб кетган кечаги кундай (харобага айлантириб) тарк этаман», деганини эшитдим. (Рови) айтди: Буни Аъмашга зикр қилдим, у: «Аллоҳ ҳақи, мен буни ундан эшитганман», деди.