Abu Qatoda (roziyallohu anhu)dan rivoyat qilinadi: Biz Imron ibn Husayn (roziyallohu anhu) bilan birga edik, oʻsha yerda Bushayr ibn Kaʼb ham bor edi. Imron ibn Husayn rivoyat qilib aytdiki, Rasululloh ﷺ: «Hayo butunlay yaxshidir», yoki: «Hayoning hammasi yaxshidir», dedilar. Shunda Bushayr ibn Kaʼb: «Biz baʼzi kitoblarda hayoning bir qismi vazminlik va salobat keltirishini, bir qismi esa zaiflik keltirishini topamiz», dedi. Imron hadisni qaytardi, Bushayr ham gapini qaytardi. (Rovi) aytdiki: Shunda Imron gʻazablanib, hatto koʻzlari qizarib ketdi va: «Men senga Rasululloh ﷺ dan hadis aytib turibman-u, sen menga oʻz kitoblaringdan gapirasanmi?» dedi. Biz: «Ey Abu Nujayd, boʻldi, boʻldi (yetar)», dedik.Абу Қатода (розияллоҳу анҳу)дан ривоят қилинади: Биз Имрон ибн Ҳусайн (розияллоҳу анҳу) билан бирга эдик, ўша ерда Бушайр ибн Каъб ҳам бор эди. Имрон ибн Ҳусайн ривоят қилиб айтдики, Расулуллоҳ ﷺ: «Ҳаё бутунлай яхшидир», ёки: «Ҳаёнинг ҳаммаси яхшидир», дедилар. Шунда Бушайр ибн Каъб: «Биз баъзи китобларда ҳаёнинг бир қисми вазминлик ва салобат келтиришини, бир қисми эса заифлик келтиришини топамиз», деди. Имрон ҳадисни қайтарди, Бушайр ҳам гапини қайтарди. (Рови) айтдики: Шунда Имрон ғазабланиб, ҳатто кўзлари қизариб кетди ва: «Мен сенга Расулуллоҳ ﷺ дан ҳадис айтиб турибман-у, сен менга ўз китобларингдан гапирасанми?» деди. Биз: «Эй Абу Нужайд, бўлди, бўлди (етар)», дедик.