Abdulloh ibn Abul Hamso (roziyallohu anhu)dan rivoyat qilinadiki, u shunday dedi: Men Nabiy ﷺga (rasul qilib) yuborilishlaridan oldin bir savdo borasida bay (oldi-sotdi) qildim va u zotning haqlaridan ozgina qoldiq qoldi. Men u zotga uni shu joyga keltirib berishni vaʼda qildim, soʻng unutib qoʻydim. Keyin uch kundan soʻng eslab, keldim. Qarasam, u zot oʻsha joyda turibdilar. Shunda u zot: «Ey yigit, sen meni qiynab qoʻyding! Mana, men uch kundan beri shu yerda seni kutyapman», dedilar. Abu Dovud aytdi: Muhammad ibn Yahyo aytdiki: Bu, bizning nazdimizda, Abdulkarim ibn Abdulloh ibn Shaqiqdir. Abu Dovud aytdi: Menga Ali ibn Abdullohdan ham shunday yetib keldi. Abu Dovud aytdi: Menga yetishicha, Bishr ibnus Sariy ham buni Abdulkarim ibn Abdulloh ibn Shaqiqdan rivoyat qilgan.Абдуллоҳ ибн Абул Ҳамсо (розияллоҳу анҳу)дан ривоят қилинадики, у шундай деди: Мен Набий ﷺга (расул қилиб) юборилишларидан олдин бир савдо борасида бай (олди-сотди) қилдим ва у зотнинг ҳақларидан озгина қолдиқ қолди. Мен у зотга уни шу жойга келтириб беришни ваъда қилдим, сўнг унутиб қўйдим. Кейин уч кундан сўнг эслаб, келдим. Қарасам, у зот ўша жойда турибдилар. Шунда у зот: «Эй йигит, сен мени қийнаб қўйдинг! Мана, мен уч кундан бери шу ерда сени кутяпман», дедилар. Абу Довуд айтди: Муҳаммад ибн Яҳё айтдики: Бу, бизнинг наздимизда, Абдулкарим ибн Абдуллоҳ ибн Шақиқдир. Абу Довуд айтди: Менга Али ибн Абдуллоҳдан ҳам шундай етиб келди. Абу Довуд айтди: Менга етишича, Бишр ибнус Сарий ҳам буни Абдулкарим ибн Абдуллоҳ ибн Шақиқдан ривоят қилган.