Hilol ibn Yasofdan rivoyat qilinadi: Biz Salim ibn Ubayd (roziyallohu anhu) bilan birga edik. Shunda jamoadan bir kishi aksa urdi va: «Assalomu alaykum», dedi. Salim: «Va alayka va alo ummika (senga va onangga ham)», dedi. Soʻng keyinroq: «Balki sen menga aytgan soʻzimdan (koʻnglingga ogʻir olib) noxush sezgandirsan?» dedi. U kishi: «Onamni yaxshilik bilan ham, yomonlik bilan ham eslamaganingni istardim», dedi. Salim: «Men senga faqat Rasululloh ﷺ aytganlaridek aytdim, xolos. Biz Rasululloh ﷺ huzurlarida boʻlganimizda jamoadan bir kishi aksa urib: ‹Assalomu alaykum›, dedi. Rasululloh ﷺ: ‹Va alayka va alo ummika›, dedilar. Soʻng: ‹Sizlardan biringiz aksa urganda Allohga hamd aytsin›, dedilar», dedi. (Roviy) baʼzi hamdlarni zikr qildi, soʻng: «Uning yonidagi kishi unga: ‹Yarhamukalloh (Alloh senga rahm qilsin)›, desin. U esa ularga: ‹Yagʻfirullohu lano va lakum (Alloh bizni ham, sizlarni ham magʻfirat qilsin)›, deb javob bersin», dedi.Ҳилол ибн Ясофдан ривоят қилинади: Биз Салим ибн Убайд (розияллоҳу анҳу) билан бирга эдик. Шунда жамоадан бир киши акса урди ва: «Ассалому алайкум», деди. Салим: «Ва алайка ва ало уммика (сенга ва онангга ҳам)», деди. Сўнг кейинроқ: «Балки сен менга айтган сўзимдан (кўнглингга оғир олиб) нохуш сезгандирсан?» деди. У киши: «Онамни яхшилик билан ҳам, ёмонлик билан ҳам эсламаганингни истардим», деди. Салим: «Мен сенга фақат Расулуллоҳ ﷺ айтганларидек айтдим, холос. Биз Расулуллоҳ ﷺ ҳузурларида бўлганимизда жамоадан бир киши акса уриб: ‹Ассалому алайкум›, деди. Расулуллоҳ ﷺ: ‹Ва алайка ва ало уммика›, дедилар. Сўнг: ‹Сизлардан бирингиз акса урганда Аллоҳга ҳамд айтсин›, дедилар», деди. (Ровий) баъзи ҳамдларни зикр қилди, сўнг: «Унинг ёнидаги киши унга: ‹Ярҳамукаллоҳ (Аллоҳ сенга раҳм қилсин)›, десин. У эса уларга: ‹Яғфируллоҳу лано ва лакум (Аллоҳ бизни ҳам, сизларни ҳам мағфират қилсин)›, деб жавоб берсин», деди.