Baro ibn Ozib (roziyallohu anhu)dan rivoyat qilinadi: Rasululloh ﷺ menga: «Toʻshagingga kelganingda, namozga tahorat olganingdek tahorat ol, soʻng oʻng yoning bilan yot va: ‹Allohim, yuzimni Senga taslim qildim, ishimni Senga topshirdim, orqamni Senga suyadim — Sendan qoʻrqib va Senga umid qilib. Sendan boshqa panoh va najot joyi yoʻq, faqat Senga (qaytib kelaman). Sen nozil qilgan Kitobingga va Sen yuborgan Paygʻambaringga iymon keltirdim›, degin», dedilar. Soʻng: «Agar shu (kecha) oʻlsang, fitrat (tabiiy din) ustida oʻlasan. Buni aytadigan soʻzlaringning eng oxirgisi qil», dedilar. Baro aytadi: Men buni yodlamoqchi boʻlib: «‹Sen yuborgan Rasulingga (iymon keltirdim)›», deb aytdim. U zot: «Yoʻq, ‹Sen yuborgan Paygʻambaringga›, (degin)», dedilar.Баро ибн Озиб (розияллоҳу анҳу)дан ривоят қилинади: Расулуллоҳ ﷺ менга: «Тўшагингга келганингда, намозга таҳорат олганингдек таҳорат ол, сўнг ўнг ёнинг билан ёт ва: ‹Аллоҳим, юзимни Сенга таслим қилдим, ишимни Сенга топширдим, орқамни Сенга суядим — Сендан қўрқиб ва Сенга умид қилиб. Сендан бошқа паноҳ ва нажот жойи йўқ, фақат Сенга (қайтиб келаман). Сен нозил қилган Китобингга ва Сен юборган Пайғамбарингга иймон келтирдим›, дегин», дедилар. Сўнг: «Агар шу (кеча) ўлсанг, фитрат (табиий дин) устида ўласан. Буни айтадиган сўзларингнинг энг охиргиси қил», дедилар. Баро айтади: Мен буни ёдламоқчи бўлиб: «‹Сен юборган Расулингга (иймон келтирдим)›», деб айтдим. У зот: «Йўқ, ‹Сен юборган Пайғамбарингга›, (дегин)», дедилар.