Abdulqays elchilari orasida boʻlgan Zoriʼ (roziyallohu anhu)dan rivoyat qilinadi: Biz Madinaga kelganimizda, ulovlarimizdan tushib, oldinma-ketin yugurib borib, Nabiy ﷺ ning qoʻllari va oyoqlaridan oʻpa boshladik. Munzir al-Ashajj esa kutib turdi, toki yuk-xaltasining oldiga borib, ikki kiyimini kiyib oldi-da, soʻng Nabiy ﷺ ning huzurlariga keldi. U zot unga: «Senda Alloh sevadigan ikki xislat bor: muloyimlik va shoshilmaslik» dedilar. U: «Yo Rasululloh, men bularni oʻzim orttirganmanmi yoki Alloh meni shu (xislatlar) bilan yaratganmi?» deb soʻradi. U zot: «Yoʻq, Alloh seni shu (ikki xislat) bilan yaratgan» dedilar. U: «Meni Alloh va Uning Rasuli sevadigan ikki xislat bilan yaratgan Allohga hamd boʻlsin» dedi.Абдулқайс элчилари орасида бўлган Зориъ (розияллоҳу анҳу)дан ривоят қилинади: Биз Мадинага келганимизда, уловларимиздан тушиб, олдинма-кетин югуриб бориб, Набий ﷺ нинг қўллари ва оёқларидан ўпа бошладик. Мунзир ал-Ашажж эса кутиб турди, токи юк-халтасининг олдига бориб, икки кийимини кийиб олди-да, сўнг Набий ﷺ нинг ҳузурларига келди. У зот унга: «Сенда Аллоҳ севадиган икки хислат бор: мулойимлик ва шошилмаслик» дедилар. У: «Ё Расулуллоҳ, мен буларни ўзим орттирганманми ёки Аллоҳ мени шу (хислатлар) билан яратганми?» деб сўради. У зот: «Йўқ, Аллоҳ сени шу (икки хислат) билан яратган» дедилар. У: «Мени Аллоҳ ва Унинг Расули севадиган икки хислат билан яратган Аллоҳга ҳамд бўлсин» деди.