Ibn Abbosning ozod qilingan quli Kurayb (rahimahulloh) xabar berib aytadi: Men Ibn Abbos (roziyallohu anhumo)dan: «Rasululloh ﷺning kechasi oʻqigan namozlari qanday boʻlardi?» — deb soʻradim. U: «Bir kecha u zotning huzurlarida — Maymuna (roziyallohu anho)nikida — tunadim. U zot uxladilar, tunning uchdan biri yoki yarmi oʻtgach uygʻonib, ichida suv bor mesh tomon turib bordilar-da, taharat oldilar, men ham u zot bilan birga taharat oldim. Soʻngra u zot turdilar, men ham yon tomonlarida, chap taraflarida turdim. U zot meni oʻng tomonlariga oʻtkazdilar. Soʻngra qoʻllarini boshimga qoʻyib, goʻyo qulogʻimni siypagandek, meni uygʻotayotgandek qildilar. Soʻng ikki yengil rakaat oʻqidilar», — dedi. Men: «Ularda nima oʻqidilar?» — dedim. (U): «Har rakaatda Faotihani oʻqidilar, soʻngra salom berdilar. Soʻngra (yana) oʻqib, vitr bilan birga oʻn bir rakaatni oʻqib boʻldilar. Soʻngra uxladilar. Keyin Bilol kelib: ‹Namoz, ey Rasululloh!› — dedi. U zot turib, ikki rakaat oʻqidilar, soʻngra odamlarga (imom boʻlib) namoz oʻqidilar», — dedi.Ибн Аббоснинг озод қилинган қули Курайб (раҳимаҳуллоҳ) хабар бериб айтади: Мен Ибн Аббос (розияллоҳу анҳумо)дан: «Расулуллоҳ ﷺнинг кечаси ўқиган намозлари қандай бўларди?» — деб сўрадим. У: «Бир кеча у зотнинг ҳузурларида — Маймуна (розияллоҳу анҳо)никида — тунадим. У зот ухладилар, туннинг учдан бири ёки ярми ўтгач уйғониб, ичида сув бор меш томон туриб бордилар-да, таҳарат олдилар, мен ҳам у зот билан бирга таҳарат олдим. Сўнгра у зот турдилар, мен ҳам ён томонларида, чап тарафларида турдим. У зот мени ўнг томонларига ўтказдилар. Сўнгра қўлларини бошимга қўйиб, гўё қулоғимни сийпагандек, мени уйғотаётгандек қилдилар. Сўнг икки енгил ракаат ўқидилар», — деди. Мен: «Уларда нима ўқидилар?» — дедим. (У): «Ҳар ракаатда Фаотиҳани ўқидилар, сўнгра салом бердилар. Сўнгра (яна) ўқиб, витр билан бирга ўн бир ракаатни ўқиб бўлдилар. Сўнгра ухладилар. Кейин Билол келиб: ‹Намоз, эй Расулуллоҳ!› — деди. У зот туриб, икки ракаат ўқидилар, сўнгра одамларга (имом бўлиб) намоз ўқидилар», — деди.