حَدَّثَنَا عَفَّانُ حَدَّثَنَا شُعْبَةُ عَنْ خُبَيْبٍ قَالَ سَمِعْتُ عَمَّتِي تَقُولُ وَكَانَتْ حَجَّتْ مَعَ النَّبِيِّ صَلَّى اللَّهُ عَلَيْهِ وَسَلَّمَ قَالَتْكَانَ رَسُولُ اللَّهِ صَلَّى اللَّهُ عَلَيْهِ وَسَلَّمَ يَقُولُ إِنَّ ابْنَ أُمِّ مَكْتُومٍ يُنَادِي بِلَيْلٍ فَكُلُوا وَاشْرَبُوا حَتَّى يُنَادِيَ بِلَالٌ أَوْ إِنَّ بِلَالًا يُنَادِي بِلَيْلٍ فَكُلُوا وَاشْرَبُوا حَتَّى يُنَادِيَ ابْنُ أُمِّ مَكْتُومٍوَكَانَ يَصْعَدُ هَذَا وَيَنْزِلُ هَذَا فَنَتَعَلَّقُ بِهِ فَنَقُولُ كَمَا أَنْتَ حَتَّى نَتَسَحَّرَ

Xubayb ibn Abdurrahmonning ammasi (roziyallohu anho) — u Nabiy ﷺ bilan haj qilgan edi — aytdi: Rasululloh ﷺ: «Ibn Ummi Maktum kechasi nido qiladi, bas, Bilol nido qilgunicha yeb-ichaveringlar», — yoki: «Bilol kechasi nido qiladi, bas, Ibn Ummi Maktum nido qilgunicha yeb-ichaveringlar», — der edilar. Ulardan biri (minoraga) chiqar, ikkinchisi tushar edi. Biz esa unga osilib: «Saharlik qilib olgunimizcha shundoq turgin», der edik.Хубайб ибн Абдурраҳмоннинг аммаси (розияллоҳу анҳо) — у Набий ﷺ билан ҳаж қилган эди — айтди: Расулуллоҳ ﷺ: «Ибн Умми Мактум кечаси нидо қилади, бас, Билол нидо қилгунича еб-ичаверинглар», — ёки: «Билол кечаси нидо қилади, бас, Ибн Умми Мактум нидо қилгунича еб-ичаверинглар», — дер эдилар. Улардан бири (минорага) чиқар, иккинчиси тушар эди. Биз эса унга осилиб: «Саҳарлик қилиб олгунимизча шундоқ тургин», дер эдик.

حَدَّثَنَا هُشَيْمٌ حَدَّثَنَا مَنْصُورٌ يَعْنِي ابْنَ زَاذَانَ عَنْ خُبَيْبِ بْنِ عَبْدِ الرَّحْمَنِ عَنْ عَمَّتِهِ أُنَيْسَةَ بِنْتِ خُبَيْبٍ قَالَتْقَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ إِذَا أَذَّنَ ابْنُ أُمِّ مَكْتُومٍ فَكُلُوا وَاشْرَبُوا وَإِذَا أَذَّنَ بِلَالٌ فَلَا تَأْكُلُوا وَلَا تَشْرَبُواقَالَتْ وَإِنْ كَانَتْ الْمَرْأَةُ لَيَبْقَى عَلَيْهَا مِنْ سُحُورِهَا فَنَقُولُ لِبِلَالٍ أَمْهِلْ حَتَّى أَفْرُغَ مِنْ سُحُورِي

Unaysa (roziyallohu anho)dan rivoyat qilinadi: Rasululloh ﷺ: «Ibn Ummi Maktum azon aytsa, yeyaveringlar va icha beringlar. Bilol azon aytsa, endi na yenglar va na ichinglar», dedilar. Ayolning saharligidan biror narsa qolib ketsa, biz Bilolga: «Saharligimni tugatgunimcha shoshilmay tur», der edik.Унайса (розияллоҳу анҳо)дан ривоят қилинади: Расулуллоҳ ﷺ: «Ибн Умми Мактум азон айтса, еяверинглар ва ича беринглар. Билол азон айтса, энди на енглар ва на ичинглар», дедилар. Аёлнинг саҳарлигидан бирор нарса қолиб кетса, биз Билолга: «Саҳарлигимни тугатгунимча шошилмай тур», дер эдик.

حَدَّثَنَا مُحَمَّدُ بْنُ جَعْفَرٍ حَدَّثَنَا شُعْبَةُ عَنْ خُبَيْبِ بْنِ عَبْدِ الرَّحْمَنِ عَنْ عَمَّتِهِ قَالَتْإِنَّ النَّبِيَّ صَلَّى اللَّهُ عَلَيْهِ وَسَلَّمَ قَالَ إِنَّ ابْنَ أُمِّ مَكْتُومٍ أَوْ بِلَالًا يُنَادِي بِلَيْلٍ فَكُلُوا وَاشْرَبُوا حَتَّى يُنَادِيَ بِلَالٌ أَوْ ابْنُ أُمِّ مَكْتُومٍفَمَا كَانَ إِلَّا أَنْ يُؤَذِّنَ أَحَدُهُمَا وَيَصْعَدَ الْآخَرُ فَنَأْخُذَهُ بِيَدِهِ وَنَقُولَ كَمَا أَنْتَ حَتَّى نَتَسَحَّرَ

Xubayb ibn Abdurrahmonning ammasi (roziyallohu anho)dan rivoyat qilinadi: Nabiy ﷺ: «Ibn Ummi Maktum yoki Bilol kechasi nido qiladi, bas, Bilol yoki Ibn Ummi Maktum nido qilgunicha yeb-ichaveringlar», dedilar. Ulardan biri azon aytib, ikkinchisi (minoraga) chiqishi bilanoq, biz uning qoʻlidan ushlab: «Saharlik qilib olgunimizcha shundoq turgin», der edik.Хубайб ибн Абдурраҳмоннинг аммаси (розияллоҳу анҳо)дан ривоят қилинади: Набий ﷺ: «Ибн Умми Мактум ёки Билол кечаси нидо қилади, бас, Билол ёки Ибн Умми Мактум нидо қилгунича еб-ичаверинглар», дедилар. Улардан бири азон айтиб, иккинчиси (минорага) чиқиши биланоқ, биз унинг қўлидан ушлаб: «Саҳарлик қилиб олгунимизча шундоқ тургин», дер эдик.