حَدَّثَنَا حَجَّاجٌ قَالَ ابْنُ جُرَيْجٍ أَخْبَرَنِي عَمْرُو بْنُ دِينَارٍ عَنْ هِشَامِ بْنِ يَحْيَى أَخْبَرَهُ أَنَّ عِكْرِمَةَ بْنَ سَلَمَةَ بْنِ رَبِيعَةَأَخْبَرَهُ أَنَّ أَخَوَيْنِ مِنْ بَنِي الْمُغِيرَةِ أَعْتَقَ أَحَدُهُمَا أَنْ لَا يَغْرِزَ خَشَبًا فِي جِدَارِهِ فَلَقِيَا مُجَمِّعَ بْنَ يَزِيدَ الْأَنْصَارِيَّ وَرِجَالًا كَثِيرًا فَقَالُوا نَشْهَدُ أَنَّ رَسُولَ اللَّهِ صَلَّى اللَّهُ عَلَيْهِ وَسَلَّمَ قَالَ لَا يَمْنَعْ جَارٌ جَارَهُ أَنْ يَغْرِزَ خَشَبًا فِي جِدَارِهِ فَقَالَ الْحَالِفُ أَيْ أَخِي قَدْ عَلِمْتُ أَنَّكَ مَقْضِيٌّ لَكَ عَلَيَّ وَقَدْ حَلَفْتُ فَاجْعَلْ أُسْطُوَانًا دُونَ جِدَارِي فَفَعَلَ الْآخَرُ فَغَرَزَ فِي الْأُسْطُوَانِ خَشَبَةًفَقَالَ لِي عَمْرٌو فَأَنَا نَظَرْتُ إِلَى ذَلِكَ
Ikrima ibn Salama ibn Rabiʼa xabar berishicha, Bani Mugʻira (qabilasi)dan boʻlgan ikki aka-ukaning biri oʻz devoriga yogʻoch qadatmaslikka qasam ichgan edi. Soʻng ikkalasi Mujammiʼ ibn Yazid al-Ansoriy va yana koʻplab kishilar bilan uchrashdilar. Ular: «Biz Rasululloh ﷺning: ‹Qoʻshni oʻz qoʻshnisini devoriga yogʻoch qadashdan man qilmasin›, deganlariga guvohlik beramiz», dedilar. Shunda qasam ichgani: «Ey birodarim, hukm sening foydangga, mening zararimga chiqarilishini bilardim, men esa qasam ichib qoʻygan edim. Bas, devorim yoniga bir ustun oʻrnat», dedi. Ikkinchisi shunday qildi va yogʻochni ustunga qadadi. Amr menga: «Men buni oʻz koʻzim bilan koʻrganman», dedi.Икрима ибн Салама ибн Рабиъа хабар беришича, Бани Муғира (қабиласи)дан бўлган икки ака-уканинг бири ўз деворига ёғоч қадатмасликка қасам ичган эди. Сўнг иккаласи Мужаммиъ ибн Язид ал-Ансорий ва яна кўплаб кишилар билан учрашдилар. Улар: «Биз Расулуллоҳ ﷺнинг: ‹Қўшни ўз қўшнисини деворига ёғоч қадашдан ман қилмасин›, деганларига гувоҳлик берамиз», дедилар. Шунда қасам ичгани: «Эй биродарим, ҳукм сенинг фойдангга, менинг зараримга чиқарилишини билардим, мен эса қасам ичиб қўйган эдим. Бас, деворим ёнига бир устун ўрнат», деди. Иккинчиси шундай қилди ва ёғочни устунга қадади. Амр менга: «Мен буни ўз кўзим билан кўрганман», деди.