Ibn Abbos (roziyallohu anhumo)dan rivoyat qilinadi: Rasululloh ﷺ Abdulloh ibn Ravohani bir sariyada yubordilar, bu juma kuniga toʻgʻri keldi. U hamrohlarini ilgari joʻnatib: «Men ortda qolib, Nabiy ﷺ bilan jumani oʻqiyman, soʻng ularga yetib olaman», dedi. U zot ﷺ uni koʻrgach: «Hamrohlaring bilan ertalab joʻnashingdan seni nima toʻsdi?» dedilar. U: «Sen bilan jumani oʻqib, soʻng ularga yetib olmoqchi boʻldim», dedi. Shunda Rasululloh ﷺ: «Agar yer yuzidagi hamma narsani sarflaganingda ham, ularning ertalab erta joʻnashlariga yetolmas eding», dedilar.Ибн Аббос (розияллоҳу анҳумо)дан ривоят қилинади: Расулуллоҳ ﷺ Абдуллоҳ ибн Равоҳани бир сарияда юбордилар, бу жума кунига тўғри келди. У ҳамроҳларини илгари жўнатиб: «Мен ортда қолиб, Набий ﷺ билан жумани ўқийман, сўнг уларга етиб оламан», деди. У зот ﷺ уни кўргач: «Ҳамроҳларинг билан эрталаб жўнашингдан сени нима тўсди?» дедилар. У: «Сен билан жумани ўқиб, сўнг уларга етиб олмоқчи бўлдим», деди. Шунда Расулуллоҳ ﷺ: «Агар ер юзидаги ҳамма нарсани сарфлаганингда ҳам, уларнинг эрталаб эрта жўнашларига етолмас эдинг», дедилар.