Ibn Abbos (roziyallohu anhumo)dan rivoyat qilinadi: Juvayriyaning ismi Barra edi. Nabiy ﷺ buni yoqtirmagandek boʻldilar va «Barraning huzuridan chiqdi» deyilishini yoqtirmay, uni Juvayriya deb atadilar. (Roviy) aytdi: U zot namoz oʻqiganlaridan keyin chiqdilar, soʻng uning oldiga keldilar. U: «Yo Rasululloh, siz (ketganingizdan) keyin men shu (zikr)da tinmay davom etib turibman», dedi. Shunda u zot unga: «Men sendan keyin shunday kalimalarni aytdimki, agar ular tortilsa, sen aytgan narsadan ogʻirroq kelardi: Subhanalloh adada mo xalaqalloh, subhanalloh rizoa nafsihi, subhanalloh zinata arshihi, subhanalloh midada kalimatihi (Alloh yaratgan narsalar soni qadar Allohni poklab yod etaman; Oʻzi rozi boʻlguncha Allohni poklab yod etaman; Arshining ogʻirligi qadar Allohni poklab yod etaman; kalimalarining siyohi qadar Allohni poklab yod etaman)», dedilar.Ибн Аббос (розияллоҳу анҳумо)дан ривоят қилинади: Жувайриянинг исми Барра эди. Набий ﷺ буни ёқтирмагандек бўлдилар ва «Барранинг ҳузуридан чиқди» дейилишини ёқтирмай, уни Жувайрия деб атадилар. (Ровий) айтди: У зот намоз ўқиганларидан кейин чиқдилар, сўнг унинг олдига келдилар. У: «Ё Расулуллоҳ, сиз (кетганингиздан) кейин мен шу (зикр)да тинмай давом этиб турибман», деди. Шунда у зот унга: «Мен сендан кейин шундай калималарни айтдимки, агар улар тортилса, сен айтган нарсадан оғирроқ келарди: Субҳаналлоҳ адада мо халақаллоҳ, субҳаналлоҳ ризоа нафсиҳи, субҳаналлоҳ зината аршиҳи, субҳаналлоҳ мидада калиматиҳи (Аллоҳ яратган нарсалар сони қадар Аллоҳни поклаб ёд этаман; Ўзи рози бўлгунча Аллоҳни поклаб ёд этаман; Аршининг оғирлиги қадар Аллоҳни поклаб ёд этаман; калималарининг сиёҳи қадар Аллоҳни поклаб ёд этаман)», дедилар.