Ibn Abbos (roziyallohu anhumo) aytdi: Men otam bilan Rasululloh ﷺning huzurlarida edim; u zotning oldilarida bir kishi bor boʻlib, u zot bilan pichirlashib gaplashardi va u zot goʻyo otamdan yuz oʻgirgandek edilar. Biz u zotning huzurlaridan chiqdik. Otam menga: «Oʻgʻilcham, amakivachchang mendan yuz oʻgirgandek boʻlganini koʻrmadingmi?» dedi. Men: «Ey otajon, u zotning oldilarida bir kishi bor edi, u zot bilan pichirlashib gaplashayotgan edi», dedim. Soʻng biz Nabiy ﷺning huzurlariga qaytdik. Otam: «Yo Rasululloh, men Abdullohga shunday-shunday dedim; u menga sizning huzuringizda siz bilan pichirlashib gaplashayotgan bir kishi borligini aytdi. Huzuringizda birov bormidi?» dedi. Rasululloh ﷺ: «Uni koʻrdingmi, ey Abdulloh?» dedilar. Men: «Ha», dedim. U zot: «Bas, u — Jibrildir; meni sendan mashgʻul qilgan oʻsha edi», dedilar.Ибн Аббос (розияллоҳу анҳумо) айтди: Мен отам билан Расулуллоҳ ﷺнинг ҳузурларида эдим; у зотнинг олдиларида бир киши бор бўлиб, у зот билан пичирлашиб гаплашарди ва у зот гўё отамдан юз ўгиргандек эдилар. Биз у зотнинг ҳузурларидан чиқдик. Отам менга: «Ўғилчам, амакиваччанг мендан юз ўгиргандек бўлганини кўрмадингми?» деди. Мен: «Эй отажон, у зотнинг олдиларида бир киши бор эди, у зот билан пичирлашиб гаплашаётган эди», дедим. Сўнг биз Набий ﷺнинг ҳузурларига қайтдик. Отам: «Ё Расулуллоҳ, мен Абдуллоҳга шундай-шундай дедим; у менга сизнинг ҳузурингизда сиз билан пичирлашиб гаплашаётган бир киши борлигини айтди. Ҳузурингизда биров бормиди?» деди. Расулуллоҳ ﷺ: «Уни кўрдингми, эй Абдуллоҳ?» дедилар. Мен: «Ҳа», дедим. У зот: «Бас, у — Жибрилдир; мени сендан машғул қилган ўша эди», дедилар.