Ibn Abbos (roziyallohu anhumo)dan rivoyat qilinadi: Alloh azza va jalla {Va eng yaqin qarindoshlaringni ogohlantir} (oyatini) nozil qilganida, Nabiy ﷺ Safoga kelib, uning ustiga chiqdilar, soʻng: «Yo sabohah!» deb nido qildilar. Bas, odamlar u zotning huzurlariga toʻplandi: kimi oʻzi kelar, kimi elchisini yuborar edi. Rasululloh ﷺ: «Ey Banu Abdulmuttalib! Ey Banu Fihr! Ey Banu Luayy! Aytinglar-chi, agar men sizlarga shu togʻning etagida bir otliq (qoʻshin) sizlarga hujum qilmoqchi, deb xabar bersam, meni tasdiqlarmidingiz?» dedilar. Ular: «Ha», dedilar. U zot: «Bas, men sizlarga qattiq azob oldidan ogohlantiruvchiman», dedilar. Shunda Abu Lahab: «Kun boʻyi senga halokat boʻlsin! Bizni faqat shuning uchun chaqirdingmi?» dedi. Shunda Alloh azza va jalla {Abu Lahabning ikki qoʻli halok boʻldi va oʻzi ham halok boʻldi} (oyatini) nozil qildi.Ибн Аббос (розияллоҳу анҳумо)дан ривоят қилинади: Аллоҳ азза ва жалла {Ва энг яқин қариндошларингни огоҳлантир} (оятини) нозил қилганида, Набий ﷺ Сафога келиб, унинг устига чиқдилар, сўнг: «Ё сабоҳаҳ!» деб нидо қилдилар. Бас, одамлар у зотнинг ҳузурларига тўпланди: кими ўзи келар, кими элчисини юборар эди. Расулуллоҳ ﷺ: «Эй Бану Абдулмутталиб! Эй Бану Фиҳр! Эй Бану Луайй! Айтинглар-чи, агар мен сизларга шу тоғнинг этагида бир отлиқ (қўшин) сизларга ҳужум қилмоқчи, деб хабар берсам, мени тасдиқлармидингиз?» дедилар. Улар: «Ҳа», дедилар. У зот: «Бас, мен сизларга қаттиқ азоб олдидан огоҳлантирувчиман», дедилар. Шунда Абу Лаҳаб: «Кун бўйи сенга ҳалокат бўлсин! Бизни фақат шунинг учун чақирдингми?» деди. Шунда Аллоҳ азза ва жалла {Абу Лаҳабнинг икки қўли ҳалок бўлди ва ўзи ҳам ҳалок бўлди} (оятини) нозил қилди.