Abdulloh ibn Masʼud (roziyallohu anhu)dan rivoyat qilinadi: Rasululloh ﷺ: «Albatta, Alloh rizqlaringizni oranglarda taqsim qilgani kabi, xulqlaringizni ham oranglarda taqsim qilgan. Albatta, Alloh azza va jalla dunyoni Oʻzi sevgan kishiga ham, sevmagan kishiga ham beradi; dinni esa faqat Oʻzi sevgan kishigagina beradi. Bas, kimga Alloh dinni bergan boʻlsa, demak uni sevibdi. Jonim qoʻlida boʻlgan Zotga qasamki, banda qalbi va tili salomat boʻlmaguncha musulmon boʻlmaydi; qoʻshnisi uning yomonliklaridan omonda boʻlmaguncha moʻmin boʻlmaydi», dedilar. Ular: «Ey Allohning Nabiysi, uning yomonliklari nima?» dedilar. U zot: «Uning zoʻravonligi va zulmidir. Banda harom yoʻldan mol topsa, undan sarflasa, unga barakot berilmaydi; undan sadaqa qilsa, qabul qilinmaydi; ortida qoldirsa, faqat doʻzaxga ozuqasi boʻladi. Albatta, Alloh azza va jalla yomonlikni yomonlik bilan oʻchirmaydi, balki yomonlikni yaxshilik bilan oʻchiradi. Albatta, xabis narsa xabisni oʻchirmaydi», dedilar.Абдуллоҳ ибн Масъуд (розияллоҳу анҳу)дан ривоят қилинади: Расулуллоҳ ﷺ: «Албатта, Аллоҳ ризқларингизни орангларда тақсим қилгани каби, хулқларингизни ҳам орангларда тақсим қилган. Албатта, Аллоҳ азза ва жалла дунёни Ўзи севган кишига ҳам, севмаган кишига ҳам беради; динни эса фақат Ўзи севган кишигагина беради. Бас, кимга Аллоҳ динни берган бўлса, демак уни севибди. Жоним қўлида бўлган Зотга қасамки, банда қалби ва тили саломат бўлмагунча мусулмон бўлмайди; қўшниси унинг ёмонликларидан омонда бўлмагунча мўмин бўлмайди», дедилар. Улар: «Эй Аллоҳнинг Набийси, унинг ёмонликлари нима?» дедилар. У зот: «Унинг зўравонлиги ва зулмидир. Банда ҳаром йўлдан мол топса, ундан сарфласа, унга баракот берилмайди; ундан садақа қилса, қабул қилинмайди; ортида қолдирса, фақат дўзахга озуқаси бўлади. Албатта, Аллоҳ азза ва жалла ёмонликни ёмонлик билан ўчирмайди, балки ёмонликни яхшилик билан ўчиради. Албатта, хабис нарса хабисни ўчирмайди», дедилар.