Ibn Masʼud (roziyallohu anhu)dan rivoyat qilinadiki, Rasululloh ﷺga mavsimda ummatlar koʻrsatildi va u zotning ummatlari kechikdi. U zot: «Menga ummatim koʻrsatildi, ularning koʻpligi meni hayratga soldi, ular tekislik va togʻni toʻldirib yuborgan edi. Menga: ‹Albatta, bularning ichida yetmish ming kishi bor, ular jannatga hisobsiz kiradilar. Ular kuydirib davolanmaydigan, afsun soʻramaydigan, shum-fol qilmaydigan va Robbilariga tavakkul qiladigan kishilardir›, deyildi», dedilar. Shunda Ukkosha: «Yo Rasululloh, Allohga duo qiling, meni ulardan qilsin», dedi. U zot unga duo qildilar. Soʻng boshqa bir kishi turib: «Yo Rasululloh, Allohga duo qiling, meni ular bilan birga qilsin», dedi. U zot: «Bunda seni Ukkosha oʻzib ketdi», dedilar.Ибн Масъуд (розияллоҳу анҳу)дан ривоят қилинадики, Расулуллоҳ ﷺга мавсимда умматлар кўрсатилди ва у зотнинг умматлари кечикди. У зот: «Менга умматим кўрсатилди, уларнинг кўплиги мени ҳайратга солди, улар текислик ва тоғни тўлдириб юборган эди. Менга: ‹Албатта, буларнинг ичида етмиш минг киши бор, улар жаннатга ҳисобсиз кирадилар. Улар куйдириб даволанмайдиган, афсун сўрамайдиган, шум-фол қилмайдиган ва Роббиларига таваккул қиладиган кишилардир›, дейилди», дедилар. Шунда Уккоша: «Ё Расулуллоҳ, Аллоҳга дуо қилинг, мени улардан қилсин», деди. У зот унга дуо қилдилар. Сўнг бошқа бир киши туриб: «Ё Расулуллоҳ, Аллоҳга дуо қилинг, мени улар билан бирга қилсин», деди. У зот: «Бунда сени Уккоша ўзиб кетди», дедилар.