Abdulloh (roziyallohu anhu) aytdi: Bizga Rasululloh ﷺ — u zot rost soʻzlovchi va (Alloh tomonidan) tasdiqlangan zotdirlar — soʻzlab berdilar: «Albatta, sizlardan biringizning xilqati ona qornida qirq kunda jam qilinadi. Soʻng shuncha (muddat ichida) laxta qon boʻladi. Soʻng shuncha (muddat ichida) bir parcha goʻsht boʻladi. Soʻng Alloh azza va jalla unga toʻrtta soʻz bilan farishtani yuboradi: amali, ajali, rizqi va shaqiy yoki said ekani. Soʻng unga ruh puflanadi. Undan boʻlak iloh yoʻq Zotga qasamki, sizlardan biringiz jannat ahlining amalini qiladi, hatto u bilan jannat orasida bir tirsakcha (masofa) qolganda, unga (yozilgan) kitob ustun keladi-da, u doʻzax ahlining amali bilan xotima topib, doʻzax ahlidan boʻladi. Yana sizlardan biringiz doʻzax ahlining amalini qiladi, hatto u bilan doʻzax orasida bir tirsakcha (masofa) qolganda, unga (yozilgan) kitob ustun keladi-da, u jannat ahlining amali bilan xotima topib, jannat ahlidan boʻladi», dedilar.Абдуллоҳ (розияллоҳу анҳу) айтди: Бизга Расулуллоҳ ﷺ — у зот рост сўзловчи ва (Аллоҳ томонидан) тасдиқланган зотдирлар — сўзлаб бердилар: «Албатта, сизлардан бирингизнинг хилқати она қорнида қирқ кунда жам қилинади. Сўнг шунча (муддат ичида) лахта қон бўлади. Сўнг шунча (муддат ичида) бир парча гўшт бўлади. Сўнг Аллоҳ азза ва жалла унга тўртта сўз билан фариштани юборади: амали, ажали, ризқи ва шақий ёки саид экани. Сўнг унга руҳ пуфланади. Ундан бўлак илоҳ йўқ Зотга қасамки, сизлардан бирингиз жаннат аҳлининг амалини қилади, ҳатто у билан жаннат орасида бир тирсакча (масофа) қолганда, унга (ёзилган) китоб устун келади-да, у дўзах аҳлининг амали билан хотима топиб, дўзах аҳлидан бўлади. Яна сизлардан бирингиз дўзах аҳлининг амалини қилади, ҳатто у билан дўзах орасида бир тирсакча (масофа) қолганда, унга (ёзилган) китоб устун келади-да, у жаннат аҳлининг амали билан хотима топиб, жаннат аҳлидан бўлади», дедилар.