Abdulloh ibn Masʼud (roziyallohu anhu) aytdi: Bizga Rasululloh ﷺ — u zot oʻzlari rost soʻzlovchi va (Alloh tomonidan) tasdiqlangan zotdirlar — soʻzlab berdilar: «Albatta, sizlardan biringizning xilqati ona qornida qirq kunda jam qilinadi. Soʻng shuncha (muddat ichida) laxta qon boʻladi. Soʻng shuncha (muddat ichida) bir parcha goʻsht boʻladi. Soʻng unga farishta yuboriladi va u unga ruh puflaydi hamda toʻrt kalima — rizqi, ajali, amali va shaqiy yoki said (boʻlishi) — buyuriladi. Undan boshqa iloh boʻlmagan Zotga qasamki, sizlardan biringiz jannat ahlining amalini qiladi, hatto u bilan jannat orasida bir tirsakcha (masofa) qolganda, unga (yozilgan) kitob ustun keladi-da, u doʻzax ahlining amali bilan xotima topib, doʻzaxga kiradi. Yana bir kishi doʻzax ahlining amalini qiladi, hatto u bilan doʻzax orasida bir tirsakcha (masofa) qolganda, unga (yozilgan) kitob ustun keladi-da, u jannat ahlining amali bilan xotima topib, jannatga kiradi».Абдуллоҳ ибн Масъуд (розияллоҳу анҳу) айтди: Бизга Расулуллоҳ ﷺ — у зот ўзлари рост сўзловчи ва (Аллоҳ томонидан) тасдиқланган зотдирлар — сўзлаб бердилар: «Албатта, сизлардан бирингизнинг хилқати она қорнида қирқ кунда жам қилинади. Сўнг шунча (муддат ичида) лахта қон бўлади. Сўнг шунча (муддат ичида) бир парча гўшт бўлади. Сўнг унга фаришта юборилади ва у унга руҳ пуфлайди ҳамда тўрт калима — ризқи, ажали, амали ва шақий ёки саид (бўлиши) — буюрилади. Ундан бошқа илоҳ бўлмаган Зотга қасамки, сизлардан бирингиз жаннат аҳлининг амалини қилади, ҳатто у билан жаннат орасида бир тирсакча (масофа) қолганда, унга (ёзилган) китоб устун келади-да, у дўзах аҳлининг амали билан хотима топиб, дўзахга киради. Яна бир киши дўзах аҳлининг амалини қилади, ҳатто у билан дўзах орасида бир тирсакча (масофа) қолганда, унга (ёзилган) китоб устун келади-да, у жаннат аҳлининг амали билан хотима топиб, жаннатга киради».