Abu Razin al-Uqayliy (roziyallohu anhu)dan rivoyat qilinadi: U: «Ey Allohning Rasuli, Qiyomat kunida hammamiz Robbimiz azza va jallani koʻramizmi? Buning Uning yaratganlarida qanday belgisi bor?» dedi. Rasululloh ﷺ: «Har biringiz oyni yolgʻiz oʻzicha koʻrmaysizmi?» dedilar. U: «Ha, albatta», dedi. U zot: «Alloh esa undan ham buyukroqdir», dedilar. Men: «Ey Allohning Rasuli, Alloh oʻliklarni qanday tiriltiradi? Buning Uning yaratganlarida qanday belgisi bor?» dedim. U zot: «Ahling vodiysidan u qurgʻoq holda turganida oʻtmaganmisan?» dedilar. U: «Ha, albatta», dedi. U zot: «Undan koʻm-koʻk boʻlib yashnab turgan holda oʻtmaganmisan?» dedilar. Men: «Ha, albatta», dedim. U zot: «Soʻng undan yana qurgʻoq holda oʻtgansanmi?» dedilar. U: «Ha, albatta», dedi. U zot: «Alloh oʻliklarni ana shunday tiriltiradi, mana shu Uning yaratganlaridagi belgisidir», dedilar.Абу Разин ал-Уқайлий (розияллоҳу анҳу)дан ривоят қилинади: У: «Эй Аллоҳнинг Расули, Қиёмат кунида ҳаммамиз Роббимиз азза ва жаллани кўрамизми? Бунинг Унинг яратганларида қандай белгиси бор?» деди. Расулуллоҳ ﷺ: «Ҳар бирингиз ойни ёлғиз ўзича кўрмайсизми?» дедилар. У: «Ҳа, албатта», деди. У зот: «Аллоҳ эса ундан ҳам буюкроқдир», дедилар. Мен: «Эй Аллоҳнинг Расули, Аллоҳ ўликларни қандай тирилтиради? Бунинг Унинг яратганларида қандай белгиси бор?» дедим. У зот: «Аҳлинг водийсидан у қурғоқ ҳолда турганида ўтмаганмисан?» дедилар. У: «Ҳа, албатта», деди. У зот: «Ундан кўм-кўк бўлиб яшнаб турган ҳолда ўтмаганмисан?» дедилар. Мен: «Ҳа, албатта», дедим. У зот: «Сўнг ундан яна қурғоқ ҳолда ўтгансанми?» дедилар. У: «Ҳа, албатта», деди. У зот: «Аллоҳ ўликларни ана шундай тирилтиради, мана шу Унинг яратганларидаги белгисидир», дедилар.