Ibn Umar (roziyallohu anhumo)dan rivoyat qilinadi: Umar Xaybarda bir yerga ega boʻldi va u haqda maslahat soʻrash uchun Nabiy ﷺning huzurlariga keldi. U: «Men Xaybarda bir yerga ega boʻldim, undan koʻra menga qadrliroq molga hech qachon ega boʻlmaganman. Bu haqda menga nima buyurasiz?» dedi. U zot: «Istasang, uning aslini ushlab qol-da, (hosilini) sadaqa qil», dedilar. (Ibn Umar) dedi: Shunda Umar uni sotilmaslik, hadya qilinmaslik va meros qilinmaslik (sharti) bilan sadaqa qildi. (Roviy) dedi: Umar uni faqirlarga, qarindoshlarga, qul ozod qilishga, Alloh taboraka va taolo yoʻlida, yoʻlovchiga va mehmonga sadaqa qildi. Uni boshqargan kishining maʼrufga muvofiq undan yeyishi yoki mol orttirmagan holda bir doʻstini ovqatlantirishi gunoh emas.Ибн Умар (розияллоҳу анҳумо)дан ривоят қилинади: Умар Хайбарда бир ерга эга бўлди ва у ҳақда маслаҳат сўраш учун Набий ﷺнинг ҳузурларига келди. У: «Мен Хайбарда бир ерга эга бўлдим, ундан кўра менга қадрлироқ молга ҳеч қачон эга бўлмаганман. Бу ҳақда менга нима буюрасиз?» деди. У зот: «Истасанг, унинг аслини ушлаб қол-да, (ҳосилини) садақа қил», дедилар. (Ибн Умар) деди: Шунда Умар уни сотилмаслик, ҳадя қилинмаслик ва мерос қилинмаслик (шарти) билан садақа қилди. (Ровий) деди: Умар уни фақирларга, қариндошларга, қул озод қилишга, Аллоҳ таборака ва таоло йўлида, йўловчига ва меҳмонга садақа қилди. Уни бошқарган кишининг маъруфга мувофиқ ундан ейиши ёки мол орттирмаган ҳолда бир дўстини овқатлантириши гуноҳ эмас.