Abu Hurayra (roziyallohu anhu)dan rivoyat qilinadi: Rasululloh ﷺ oʻtirgan paytlarida bir aʼrobiy masjidga kirdi va: «Allohim, meni va Muhammadni magʻfirat qilgin, biz bilan birga boshqa hech kimni magʻfirat qilmagin», dedi. Rasululloh ﷺ kulib: «Sen keng narsani tor qilib qoʻyding», dedilar. Soʻng u burilib ketdi va masjidning bir chekkasiga borib, oyoqlarini kerib siydik chiqara boshladi. Shunda Rasululloh ﷺ uning oldiga turib borib: «Bu uy faqat Allohni zikr qilish va namoz (oʻqish) uchun bino qilingan; unda siydik chiqarilmaydi», dedilar. Soʻng bir chelak suv keltirishga buyurdilar va uni (siydik) ustiga toʻkdilar. (Roviy) aytdi: Aʼrobiy anglab yetganidan keyin shunday der edi: Nabiy ﷺ mening oldimga turib keldilar — otam va onam u zotga fido boʻlsin — soʻkmadilar ham, koyimadilar ham, urmadilar ham.Абу Ҳурайра (розияллоҳу анҳу)дан ривоят қилинади: Расулуллоҳ ﷺ ўтирган пайтларида бир аъробий масжидга кирди ва: «Аллоҳим, мени ва Муҳаммадни мағфират қилгин, биз билан бирга бошқа ҳеч кимни мағфират қилмагин», деди. Расулуллоҳ ﷺ кулиб: «Сен кенг нарсани тор қилиб қўйдинг», дедилар. Сўнг у бурилиб кетди ва масжиднинг бир чеккасига бориб, оёқларини кериб сийдик чиқара бошлади. Шунда Расулуллоҳ ﷺ унинг олдига туриб бориб: «Бу уй фақат Аллоҳни зикр қилиш ва намоз (ўқиш) учун бино қилинган; унда сийдик чиқарилмайди», дедилар. Сўнг бир челак сув келтиришга буюрдилар ва уни (сийдик) устига тўкдилар. (Ровий) айтди: Аъробий англаб етганидан кейин шундай дер эди: Набий ﷺ менинг олдимга туриб келдилар — отам ва онам у зотга фидо бўлсин — сўкмадилар ҳам, койимадилар ҳам, урмадилар ҳам.