Abu Hurayra (roziyallohu anhu)dan rivoyat qilinadi: Rasululloh ﷺ: «Alloh Oʻz yoʻlida — uni faqat Mening yoʻlimda jihod qilish, Menga iymon keltirish va Paygʻambarimni tasdiqlash chiqargan kishini (mukofotlashga) zomin boʻldi: Men uni jannatga kiritishni, yoki olgan ajru gʻanimati bilan birga oʻzi chiqqan maskaniga qaytarishni zimmamga oldim. Muhammadning joni qoʻlida boʻlgan Zot bilan qasamki, Alloh yoʻlida jarohat olgan har bir kishi qiyomat kuni jarohatlangan paytidagi holatida keladi: rangi qon rangi, hidi esa mushk hididir. Muhammadning joni qoʻlida boʻlgan Zot bilan qasamki, agar musulmonlarga ogʻir kelmaganida, Alloh yoʻlida jang qilish uchun chiqayotgan birorta sariyyaning ortida hech qachon qolib qolmas edim. Lekin men ularni (mingdirib) olib yuradigan imkonni topa olmayman, ular esa mendan ortda qolishga koʻnmaydilar. Muhammadning joni qoʻlida boʻlgan Zot bilan qasamki, men Alloh yoʻlida jang qilib oʻldirilishni, soʻng yana jang qilib oʻldirilishni, soʻng yana jang qilib oʻldirilishni juda istardim», — dedilar.Абу Ҳурайра (розияллоҳу анҳу)дан ривоят қилинади: Расулуллоҳ ﷺ: «Аллоҳ Ўз йўлида — уни фақат Менинг йўлимда жиҳод қилиш, Менга иймон келтириш ва Пайғамбаримни тасдиқлаш чиқарган кишини (мукофотлашга) зомин бўлди: Мен уни жаннатга киритишни, ёки олган ажру ғанимати билан бирга ўзи чиққан масканига қайтаришни зиммамга олдим. Муҳаммаднинг жони қўлида бўлган Зот билан қасамки, Аллоҳ йўлида жароҳат олган ҳар бир киши қиёмат куни жароҳатланган пайтидаги ҳолатида келади: ранги қон ранги, ҳиди эса мушк ҳидидир. Муҳаммаднинг жони қўлида бўлган Зот билан қасамки, агар мусулмонларга оғир келмаганида, Аллоҳ йўлида жанг қилиш учун чиқаётган бирорта сарийянинг ортида ҳеч қачон қолиб қолмас эдим. Лекин мен уларни (мингдириб) олиб юрадиган имконни топа олмайман, улар эса мендан ортда қолишга кўнмайдилар. Муҳаммаднинг жони қўлида бўлган Зот билан қасамки, мен Аллоҳ йўлида жанг қилиб ўлдирилишни, сўнг яна жанг қилиб ўлдирилишни, сўнг яна жанг қилиб ўлдирилишни жуда истардим», — дедилар.