Abu Hurayra (roziyallohu anhu) aytadi: Rasululloh ﷺ namozda takbir aytganlarida, takbir bilan qiroat orasida bir oz jim turar edilar. Men: «Otam-onam sizga fido boʻlsin, takbir bilan qiroat orasidagi jim turishingiz haqida menga xabar bering, u nima?» dedim. U zot: «Men: ‹Allohumma boʼid bayniy va bayna xotoyaya kama boʼadta baynal-mashriqi val-magʻrib, allohumma naqqiniy min xotoyaya kas-savbil-abyazi minad-danas, allohummagʻsilniy min xotoyaya bis-salji val-mai val-barod› (Ey Alloh, mashriq bilan magʻrib orasini uzoqlatganing kabi men bilan xatolarim orasini uzoqlat. Ey Alloh, oq libos kirdan tozalangani kabi meni xatolarimdan tozala. Ey Alloh, meni xatolarimdan qor, suv va doʻl bilan yuv), deyman», dedilar. Jarir (oʻz rivoyatida): «Libos tozalangani kabi», dedi. Otam aytdi: Bularning barchasi Abu Zurʼadan (rivoyat qilingan), faqat mana bu Abu Solihdandir.Абу Ҳурайра (розияллоҳу анҳу) айтади: Расулуллоҳ ﷺ намозда такбир айтганларида, такбир билан қироат орасида бир оз жим турар эдилар. Мен: «Отам-онам сизга фидо бўлсин, такбир билан қироат орасидаги жим туришингиз ҳақида менга хабар беринг, у нима?» дедим. У зот: «Мен: ‹Аллоҳумма бўид байний ва байна хотояя кама бўадта байнал-машриқи вал-мағриб, аллоҳумма наққиний мин хотояя кас-савбил-абязи минад-данас, аллоҳуммағсилний мин хотояя бис-салжи вал-маи вал-барод› (Эй Аллоҳ, машриқ билан мағриб орасини узоқлатганинг каби мен билан хатоларим орасини узоқлат. Эй Аллоҳ, оқ либос кирдан тозалангани каби мени хатоларимдан тозала. Эй Аллоҳ, мени хатоларимдан қор, сув ва дўл билан юв), дейман», дедилар. Жарир (ўз ривоятида): «Либос тозалангани каби», деди. Отам айтди: Буларнинг барчаси Абу Зуръадан (ривоят қилинган), фақат мана бу Абу Солиҳдандир.