Abu Hurayra (roziyallohu anhu)dan rivoyat qilinadi: Rasululloh ﷺ: «Muflis (xonavayron) kim ekanini bilasizlarmi?» dedilar. Ular: «Bizning oramizda muflis — dirhami ham, mol-mulki ham boʻlmagan kishidir», dedilar. Shunda u zot: «Albatta, mening ummatimdan muflis shu kishidirki, u qiyomat kuni namoz, roʻza va zakot bilan keladi, biroq u kelganida ana shu birovni soʻkkan, anavi birovga tuhmat qilgan, falonchining molini yegan, pistonchining qonini toʻkkan, yana boshqa birovni urgan boʻladi. Bas, ana bunisiga uning yaxshiliklaridan, anavisiga uning yaxshiliklaridan beriladi. Agar uning zimmasidagi haqlar ado etilmasdan turib yaxshiliklari tugab qolsa, ularning gunohlaridan olinib, uning ustiga tashlanadi, soʻng u doʻzaxga tashlanadi», dedilar.Абу Ҳурайра (розияллоҳу анҳу)дан ривоят қилинади: Расулуллоҳ ﷺ: «Муфлис (хонавайрон) ким эканини биласизларми?» дедилар. Улар: «Бизнинг орамизда муфлис — дирҳами ҳам, мол-мулки ҳам бўлмаган кишидир», дедилар. Шунда у зот: «Албатта, менинг умматимдан муфлис шу кишидирки, у қиёмат куни намоз, рўза ва закот билан келади, бироқ у келганида ана шу бировни сўккан, анави бировга туҳмат қилган, фалончининг молини еган, пистончининг қонини тўккан, яна бошқа бировни урган бўлади. Бас, ана бунисига унинг яхшиликларидан, анависига унинг яхшиликларидан берилади. Агар унинг зиммасидаги ҳақлар адо этилмасдан туриб яхшиликлари тугаб қолса, уларнинг гуноҳларидан олиниб, унинг устига ташланади, сўнг у дўзахга ташланади», дедилар.