Abu Hurayra (roziyallohu anhu)dan rivoyat qilinadiki, Paygʻambar ﷺ shunday dedilar: «Paygʻambarlar — otalari bir, onalari turlicha boʻlgan ogʻa-inilardir; dinlari esa bittadir. Men Iso ibn Maryamga odamlarning eng haqlirogʻiman, chunki men bilan uning orasida (boshqa) paygʻambar boʻlmagan. Albatta, u (yerga) tushuvchidir. Uni koʻrsangiz, tanib olinglar: u oʻrta boʻyli, qizgʻish-oq rangli, egnida sargʻish boʻyalgan ikki libos boʻlgan, boshi hoʻl boʻlmasa ham, undan tomchi tomayotgandek koʻringan kishidir. U xochni sindiradi, choʻchqani oʻldiradi, jizyani bekor qiladi va odamlarni Islomga chaqiradi. Alloh uning zamonida Islomdan boshqa barcha dinlarni halok qiladi. Alloh uning zamonida Masihu Dajjolni halok qiladi. Yer yuzida shunday omonlik yuzaga keladiki, hatto arslonlar tuyalar bilan, yoʻlbarslar sigirlar bilan, boʻrilar qoʻylar bilan (birga) oʻtlaydi va bolalar ilonlar bilan oʻynaydi, (ilonlar) ularga zarar bermaydi. U qirq yil turadi, soʻng vafot etadi va musulmonlar unga janoza oʻqiydilar».Абу Ҳурайра (розияллоҳу анҳу)дан ривоят қилинадики, Пайғамбар ﷺ шундай дедилар: «Пайғамбарлар — оталари бир, оналари турлича бўлган оға-инилардир; динлари эса биттадир. Мен Исо ибн Марямга одамларнинг энг ҳақлироғиман, чунки мен билан унинг орасида (бошқа) пайғамбар бўлмаган. Албатта, у (ерга) тушувчидир. Уни кўрсангиз, таниб олинглар: у ўрта бўйли, қизғиш-оқ рангли, эгнида сарғиш бўялган икки либос бўлган, боши ҳўл бўлмаса ҳам, ундан томчи томаётгандек кўринган кишидир. У хочни синдиради, чўчқани ўлдиради, жизяни бекор қилади ва одамларни Исломга чақиради. Аллоҳ унинг замонида Исломдан бошқа барча динларни ҳалок қилади. Аллоҳ унинг замонида Масиҳу Дажжолни ҳалок қилади. Ер юзида шундай омонлик юзага келадики, ҳатто арслонлар туялар билан, йўлбарслар сигирлар билан, бўрилар қўйлар билан (бирга) ўтлайди ва болалар илонлар билан ўйнайди, (илонлар) уларга зарар бермайди. У қирқ йил туради, сўнг вафот этади ва мусулмонлар унга жаноза ўқийдилар».