Anas (roziyallohu anhu)dan rivoyat qilinadi: Itbon ibn Molikning koʻzi koʻr boʻlib qoldi. U: «Ey Allohning Rasuli, agar kelib hovlimda — yoki: uyimda — namoz oʻqisangiz, men namoz oʻqigan joyingizni masjid qilib olardim», dedi. Nabiy ﷺ kelib, uning hovlisida — yoki: uyida — namoz oʻqidilar. Itbonning qavmi Nabiy ﷺ ning huzurlariga toʻplandi. (Anas) dedi: Ular Molik ibn Duxshumni tilga olib: «Ey Allohning Rasuli, u shunday, u bunday», deb uni nifoq bilan ayblagandek boʻldilar. Shunda Nabiy ﷺ: «U Allohdan oʻzga iloh yoʻq va men Allohning Rasuli ekanimga guvohlik bermaydimi?» dedilar. Ular: «Ha», dedilar. U zot: «Jonim qoʻlida boʻlgan Zotga qasamki, buni chin dildan aytgan hech bir bandaga doʻzax harom qilinmay qolmaydi», dedilar.Анас (розияллоҳу анҳу)дан ривоят қилинади: Итбон ибн Моликнинг кўзи кўр бўлиб қолди. У: «Эй Аллоҳнинг Расули, агар келиб ҳовлимда — ёки: уйимда — намоз ўқисангиз, мен намоз ўқиган жойингизни масжид қилиб олардим», деди. Набий ﷺ келиб, унинг ҳовлисида — ёки: уйида — намоз ўқидилар. Итбоннинг қавми Набий ﷺ нинг ҳузурларига тўпланди. (Анас) деди: Улар Молик ибн Духшумни тилга олиб: «Эй Аллоҳнинг Расули, у шундай, у бундай», деб уни нифоқ билан айблагандек бўлдилар. Шунда Набий ﷺ: «У Аллоҳдан ўзга илоҳ йўқ ва мен Аллоҳнинг Расули эканимга гувоҳлик бермайдими?» дедилар. Улар: «Ҳа», дедилар. У зот: «Жоним қўлида бўлган Зотга қасамки, буни чин дилдан айтган ҳеч бир бандага дўзах ҳаром қилинмай қолмайди», дедилар.