Anas (roziyallohu anhu)dan rivoyat qilinadi: Bir kishi yurishni tezlatib keldi va nafasi siqilgan holda qavmga yetib keldi. Namozga turganda: «Alhamdu lillahi hamdan kasiran toyyiban muborakan fih», dedi. Nabiy ﷺ namozni tugatgach: «Kim gapirdi — yoki: kim aytdi?» dedilar. (Anas) dedi: Qavm jim qoldi. U zot (yana): «Kim gapirdi — yoki: kim aytdi? Zero u yaxshi (soʻz) aytdi — yoki: yomon narsa aytgani yoʻq», dedilar. Shunda (oʻsha kishi): «Ey Allohning Rasuli, men safga nafasim siqilgan holda — yoki: nafasim boʻgʻilgan holda — yetib keldim», dedi. U zot ﷺ: «Men oʻn ikki farishtani koʻrdim, ular uni qaysi biri koʻtarib chiqishi uchun bir-birlaridan oʻzmoqchi boʻlishardi», dedilar. Soʻng: «Biringiz namozga kelsa, vazminlik bilan yursin, yetgan (rakat)ini oʻqisin, oʻtkazib yuborganini esa (keyin) qazo qilsin», dedilar.Анас (розияллоҳу анҳу)дан ривоят қилинади: Бир киши юришни тезлатиб келди ва нафаси сиқилган ҳолда қавмга етиб келди. Намозга турганда: «Алҳамду лиллаҳи ҳамдан касиран тоййибан муборакан фиҳ», деди. Набий ﷺ намозни тугатгач: «Ким гапирди — ёки: ким айтди?» дедилар. (Анас) деди: Қавм жим қолди. У зот (яна): «Ким гапирди — ёки: ким айтди? Зеро у яхши (сўз) айтди — ёки: ёмон нарса айтгани йўқ», дедилар. Шунда (ўша киши): «Эй Аллоҳнинг Расули, мен сафга нафасим сиқилган ҳолда — ёки: нафасим бўғилган ҳолда — етиб келдим», деди. У зот ﷺ: «Мен ўн икки фариштани кўрдим, улар уни қайси бири кўтариб чиқиши учун бир-бирларидан ўзмоқчи бўлишарди», дедилар. Сўнг: «Бирингиз намозга келса, вазминлик билан юрсин, етган (ракат)ини ўқисин, ўтказиб юборганини эса (кейин) қазо қилсин», дедилар.