حَدَّثَنَا إِسْمَاعِيلُ حَدَّثَنَا حُمَيْدٌ عَنْ أَنَسٍأَنَّ عَبْدَ اللَّهِ بْنَ سَلَامٍ بَلَغَهُ مَقْدَمُ النَّبِيِّ صَلَّى اللَّهُ عَلَيْهِ وَسَلَّمَ الْمَدِينَةَ فَأَتَاهُ فَسَأَلَهُ عَنْ أَشْيَاءَ قَالَ إِنِّي سَائِلُكَ عَنْ أَشْيَاءَ لَا يَعْلَمُهَا إِلَّا نَبِيٌّ قَالَ مَا أَوَّلُ أَشْرَاطِ السَّاعَةِ وَمَا أَوَّلُ طَعَامٍ يَأْكُلُهُ أَهْلُ الْجَنَّةِ وَمَا بَالُ الْوَلَدِ يَنْزِعُ إِلَى أَبِيهِ وَالْوَلَدِ يَنْزِعُ إِلَى أُمِّهِ قَالَ أَخْبَرَنِي بِهِنَّ جِبْرِيلُ آنِفًا قَالَ ابْنُ سَلَامٍ فَذَلِكَ عَدُوُّ الْيَهُودِ مِنْ الْمَلَائِكَةِ قَالَ أَمَّا أَوَّلُ أَشْرَاطِ السَّاعَةِ فَنَارٌ تَحْشُرُهُمْ مِنْ الْمَشْرِقِ إِلَى الْمَغْرِبِ وَأَوَّلُ طَعَامٍ يَأْكُلُهُ أَهْلُ الْجَنَّةِ زِيَادَةُ كَبِدِ حُوتٍ وَأَمَّا الْوَلَدُ فَإِذَا سَبَقَ مَاءُ الرَّجُلِ مَاءَ الْمَرْأَةِ نَزَعَ الْوَلَدَ وَإِذَا سَبَقَ مَاءُ الْمَرْأَةِ مَاءَ الرَّجُلِ نَزَعَتْ الْوَلَدَ
Anas (roziyallohu anhu)dan rivoyat qilinadi: Abdulloh ibn Salomga Nabiy ﷺ ning Madinaga kelishlari yetib keldi. U zotning oldilariga kelib, baʼzi narsalar haqida soʻradi va: «Men sendan paygʻambardan boshqa hech kim bilmaydigan baʼzi narsalar haqida soʻrayman: qiyomatning birinchi alomati nima? Jannat ahli yeydigan birinchi taom nima? Bola otasiga tortishi, (yana boshqa) bola onasiga tortishining sababi nima?» dedi. U zot: «Bularni menga hozirgina Jibril xabar berdi», dedilar. Ibn Salom: «U — farishtalardan yahudlarning dushmanidir», dedi. U zot: «Qiyomatning birinchi alomatiga kelsak — u (bir) oʻtdirki, odamlarni mashriqdan magʻribga (haydab) toʻplaydi. Jannat ahli yeydigan birinchi taomga kelsak — u baliq jigarining ortiqcha (boʻlagi)dir. Bolaga kelsak — erkakning suvi ayolning suvidan oʻzib ketsa, bola (otasiga) tortadi; ayolning suvi erkakning suvidan oʻzib ketsa, bola (onasiga) tortadi», dedilar.Анас (розияллоҳу анҳу)дан ривоят қилинади: Абдуллоҳ ибн Саломга Набий ﷺ нинг Мадинага келишлари етиб келди. У зотнинг олдиларига келиб, баъзи нарсалар ҳақида сўради ва: «Мен сендан пайғамбардан бошқа ҳеч ким билмайдиган баъзи нарсалар ҳақида сўрайман: қиёматнинг биринчи аломати нима? Жаннат аҳли ейдиган биринчи таом нима? Бола отасига тортиши, (яна бошқа) бола онасига тортишининг сабаби нима?» деди. У зот: «Буларни менга ҳозиргина Жибрил хабар берди», дедилар. Ибн Салом: «У — фаришталардан яҳудларнинг душманидир», деди. У зот: «Қиёматнинг биринчи аломатига келсак — у (бир) ўтдирки, одамларни машриқдан мағрибга (ҳайдаб) тўплайди. Жаннат аҳли ейдиган биринчи таомга келсак — у балиқ жигарининг ортиқча (бўлаги)дир. Болага келсак — эркакнинг суви аёлнинг сувидан ўзиб кетса, бола (отасига) тортади; аёлнинг суви эркакнинг сувидан ўзиб кетса, бола (онасига) тортади», дедилар.