Anas (roziyallohu anhu) aytdi: Men, Abu Talha va Rasululloh ﷺ (safardan) qaytib kelayotgan edik, Safiyya esa u zotning tuyalarida orqalarida mingashib kelar edi. Biz yurib borayotganimizda, birdan Nabiy ﷺ ning tuyalari qoqilib ketdi va u zot ham, ayol ham yiqildilar. Abu Talha oʻz tuyasidan sakrab tushdi va: «Ey Allohning Nabiysi, sizga biror narsa shikast yetkazdimi?» dedi. U zot: «Yoʻq, sen ayolga qara», dedilar. Bas, Abu Talha oʻz yuziga kiyimini tashladi, soʻng ayol tomon bordi va kiyimni uning ustiga yopdi. U (ayol) turdi. Soʻng (Abu Talha) ikkovlariga ulovlarini mahkamlab berdi, ular mindilar, biz ham mindik va yurib bordik. Madinaning ortiga yetganimizda u zot: «Qaytguvchimiz, tavba qilguvchimiz, Robbimizga hamd aytguvchimiz», dedilar va Madinaga kirib kelgunimizcha shuni takror aytib bordilar.Анас (розияллоҳу анҳу) айтди: Мен, Абу Талҳа ва Расулуллоҳ ﷺ (сафардан) қайтиб келаётган эдик, Сафийя эса у зотнинг туяларида орқаларида мингашиб келар эди. Биз юриб бораётганимизда, бирдан Набий ﷺ нинг туялари қоқилиб кетди ва у зот ҳам, аёл ҳам йиқилдилар. Абу Талҳа ўз туясидан сакраб тушди ва: «Эй Аллоҳнинг Набийси, сизга бирор нарса шикаст етказдими?» деди. У зот: «Йўқ, сен аёлга қара», дедилар. Бас, Абу Талҳа ўз юзига кийимини ташлади, сўнг аёл томон борди ва кийимни унинг устига ёпди. У (аёл) турди. Сўнг (Абу Талҳа) икковларига уловларини маҳкамлаб берди, улар миндилар, биз ҳам миндик ва юриб бордик. Мадинанинг ортига етганимизда у зот: «Қайтгувчимиз, тавба қилгувчимиз, Роббимизга ҳамд айтгувчимиз», дедилар ва Мадинага кириб келгунимизча шуни такрор айтиб бордилар.