حَدَّثَنَا عَبْدُ الصَّمَدِ حَدَّثَنِي أَبِي حَدَّثَنَا عَبْدُ الْعَزِيزِ قَالَ حَدَّثَنَا أَنَسُ بْنُ مَالِكٍ قَالَأَقْبَلَ نَبِيُّ اللَّهِ صَلَّى اللَّهُ عَلَيْهِ وَسَلَّمَ إِلَى الْمَدِينَةِ وَهُوَ مُرْدِفٌ أَبَا بَكْرٍ وَأَبُو بَكْرٍ شَيْخٌ يُعْرَفُ وَنَبِيُّ اللَّهِ صَلَّى اللَّهُ عَلَيْهِ وَسَلَّمَ شَابٌّ لَا يُعْرَفُ قَالَ فَيَلْقَى الرَّجُلُ أَبَا بَكْرٍ فَيَقُولُ يَا أَبَا بَكْرٍ مَنْ هَذَا الرَّجُلُ الَّذِي بَيْنَ يَدَيْكَ فَيَقُولُ هَذَا الرَّجُلُ يَهْدِينِي إِلَى السَّبِيلِ فَيَحْسِبُ الْحَاسِبُ أَنَّهُ إِنَّمَا يَهْدِيهِ الطَّرِيقَ وَإِنَّمَا يَعْنِي سَبِيلَ الْخَيْرِ فَالْتَفَتَ أَبُو بَكْرٍ فَإِذَا هُوَ بِفَارِسٍ قَدْ لَحِقَهُمْ فَقَالَ يَا نَبِيَّ اللَّهِ هَذَا فَارِسٌ قَدْ لَحِقَ بِنَا قَالَ فَالْتَفَتَ نَبِيُّ اللَّهِ صَلَّى اللَّهُ عَلَيْهِ وَسَلَّمَ فَقَالَ اللَّهُمَّ اصْرَعْهُ فَصَرَعَتْهُ فَرَسُهُ ثُمَّ قَامَتْ تُحَمْحِمُ قَالَ ثُمَّ قَالَ يَا نَبِيَّ اللَّهِ مُرْنِي بِمَا شِئْتَ قَالَ قِفْ مَكَانَكَ لَا تَتْرُكَنَّ أَحَدًا يَلْحَقُ بِنَا قَالَ فَكَانَ أَوَّلُ النَّهَارِ جَاهِدًا عَلَى نَبِيِّ اللَّهِ صَلَّى اللَّهُ عَلَيْهِ وَسَلَّمَ وَكَانَ آخِرُ النَّهَارِ مَسْلَحَةً لَهُ قَالَ فَنَزَلَ نَبِيُّ اللَّهِ صَلَّى اللَّهُ عَلَيْهِ وَسَلَّمَ جَانِبَ الْحَرَّةِ ثُمَّ بَعَثَ إِلَى الْأَنْصَارِ فَجَاءُوا نَبِيَّ اللَّهِ صَلَّى اللَّهُ عَلَيْهِ وَسَلَّمَ فَسَلَّمُوا عَلَيْهِمَا وَقَالُوا ارْكَبَا آمِنَيْنِ مُطْمَئِنَّيْنِ قَالَ فَرَكِبَ نَبِيُّ اللَّهِ صَلَّى اللَّهُ عَلَيْهِ وَسَلَّمَ وَأَبُو بَكْرٍ وَحَفُّوا حَوْلَهُمَا بِالسِّلَاحِ قَالَ فَقِيلَ بِالْمَدِينَةِ جَاءَ نَبِيُّ اللَّهِ فَاسْتَشْرَفُوا نَبِيَّ اللَّهِ صَلَّى اللَّهُ عَلَيْهِ وَسَلَّمَ
Anas ibn Molik (roziyallohu anhu) aytdi: Allohning Nabiysi ﷺ Madinaga (yoʻl olib) keldilar, u zot Abu Bakrni (ulovning) ortlariga mindirgan edilar. Abu Bakr tanilgan (keksa) chol edi, Allohning Nabiysi ﷺ esa tanilmaydigan yigit edilar. (Anas) aytdi: Bir kishi Abu Bakrga yoʻliqib: «Ey Abu Bakr, oldingdagi bu kishi kim?», derdi. U: «Bu kishi menga yoʻl koʻrsatadi», derdi. Eshituvchi u (oddiy) yoʻlni nazarda tutyapti, deb oʻylardi, holbuki u yaxshilik yoʻlini nazarda tutardi. Abu Bakr (ortiga) qaradi, birdan ularga yetib kelgan bir otliqni koʻrdi. U: «Ey Allohning Nabiysi, mana bu otliq bizga yetib keldi», dedi. (Anas) aytdi: Allohning Nabiysi ﷺ (ortga) qarab: «Allohim, uni (yerga) yiq», dedilar. Shunda oti uni yiqitdi, soʻng ot kishnab tik turdi. (Anas) aytdi: Soʻng u: «Ey Allohning Nabiysi, menga xohlaganingni buyur», dedi. U zot: «Joyingda turaver, hech kimni bizga yetib kelishiga qoʻyma», dedilar. (Anas) aytdi: U kunning avvalida Allohning Nabiysi ﷺga qarshi tirishuvchi edi, kunning oxirida esa u zot uchun qoʻriqchi boʻldi. (Anas) aytdi: Allohning Nabiysi ﷺ harraning bir tomonida (mehmon) tushdilar, soʻng ansorlarga (odam) yubordilar. Ular Allohning Nabiysi ﷺning oldilariga kelib, ikkoviga salom berishdi va: «Omon va xotirjam holda mininglar», deyishdi. (Anas) aytdi: Allohning Nabiysi ﷺ va Abu Bakr (ulovga) mindilar, (ansorlar) qurol bilan ikkovlarini oʻrab olishdi. (Anas) aytdi: Madinada: «Allohning Nabiysi keldi!», deyildi va odamlar Allohning Nabiysi ﷺni koʻrish uchun (boʻylarini choʻzib) qarashdi.Анас ибн Молик (розияллоҳу анҳу) айтди: Аллоҳнинг Набийси ﷺ Мадинага (йўл олиб) келдилар, у зот Абу Бакрни (уловнинг) ортларига миндирган эдилар. Абу Бакр танилган (кекса) чол эди, Аллоҳнинг Набийси ﷺ эса танилмайдиган йигит эдилар. (Анас) айтди: Бир киши Абу Бакрга йўлиқиб: «Эй Абу Бакр, олдингдаги бу киши ким?», дерди. У: «Бу киши менга йўл кўрсатади», дерди. Эшитувчи у (оддий) йўлни назарда тутяпти, деб ўйларди, ҳолбуки у яхшилик йўлини назарда тутарди. Абу Бакр (ортига) қаради, бирдан уларга етиб келган бир отлиқни кўрди. У: «Эй Аллоҳнинг Набийси, мана бу отлиқ бизга етиб келди», деди. (Анас) айтди: Аллоҳнинг Набийси ﷺ (ортга) қараб: «Аллоҳим, уни (ерга) йиқ», дедилар. Шунда оти уни йиқитди, сўнг от кишнаб тик турди. (Анас) айтди: Сўнг у: «Эй Аллоҳнинг Набийси, менга хоҳлаганингни буюр», деди. У зот: «Жойингда туравер, ҳеч кимни бизга етиб келишига қўйма», дедилар. (Анас) айтди: У куннинг аввалида Аллоҳнинг Набийси ﷺга қарши тиришувчи эди, куннинг охирида эса у зот учун қўриқчи бўлди. (Анас) айтди: Аллоҳнинг Набийси ﷺ ҳарранинг бир томонида (меҳмон) тушдилар, сўнг ансорларга (одам) юбордилар. Улар Аллоҳнинг Набийси ﷺнинг олдиларига келиб, икковига салом беришди ва: «Омон ва хотиржам ҳолда мининглар», дейишди. (Анас) айтди: Аллоҳнинг Набийси ﷺ ва Абу Бакр (уловга) миндилар, (ансорлар) қурол билан икковларини ўраб олишди. (Анас) айтди: Мадинада: «Аллоҳнинг Набийси келди!», дейилди ва одамлар Аллоҳнинг Набийси ﷺни кўриш учун (бўйларини чўзиб) қарашди.